Omıkron juqtyrǵan janýarlarda aýrý belgileri jeńil bolǵan
Omıkrondyq koronavırýs shtammy basqa COVID-19 shtammdarymen salystyrǵanda ókpege zaqymdy áldeqaıda az keltiretini anyqtaldy. Amerıkalyq jáne japondyq ǵalymdar júrgizgen zertteý nátıjesi boıynsha Omicron aýrýynyń aǵymy jeńilirek bolady dep kútilýde, dep habarlaıdy Almaty-akshamy.kz Baq.kz-ke silteme jasap.
Zertteýshiler tyshqandar men homáktarǵa júrgizilgen birqatar tájirıbe nátıjesinde osyndaı qorytyndyǵa keldi. Omıkrondy juqtyrǵan janýarlardyń aýrý belgileri jeńil boldy jáne salmaq joǵaltý yqtımaldyǵy az ekeni anyqtaldy.
The Telegraph basylymy Ońtústik Afrıkadaǵy Ulttyq juqpaly aýrýlar ınstıtýtynyń zertteýshilerine jáne olardyń Pretorıa ýnıversıtetindegi áriptesterine silteme jasaı otyryp, koronavırýstyń omıkrondyq shtammynyń aldyńǵylarmen salystyrǵanda ólim-jitim deńgeıi 75 paıyzǵa tómen ekenin jazdy. Kóp uzamaı zertteýshiler epıdemıany toqtatyp, endemıalyq fazaǵa ákeletin «aýrýlar men ólim-jitim kórsetkishteriniń tolyq bólinýi» bolady dep esepteıdi.
Buǵan deıin Grekıanyń Salonıkıdegi Arıstotel ýnıversıtetiniń profesory Demosfen Sarıannıs koronavırýstyń jańa omıkron shtammymen juqtyrý tolqyny 2022 jyldyń 20 aqpanynda aıaqtalatynyn aıtqan. Bul - koronavırýstyq ınfeksıanyń sońǵy mýtasıasy.