Bul siz úshin ne - bos yrym, halyq máteli nemese uran?
Tarıhshylardyń paıymdaýynsha, «Jańa jyldy qalaı qarsy alsań, jyldy solaı ótkizesiń» degen mátel Kóne Rım tusynda belgili bolǵan, sondyqtan bul óte erteden kele jatqan sóz.
Jańa jyl – kóne zamannan kele jatqan meıramnyń biri. Adamdar ýaqyt pen ómirdiń sıkldik ózgerisin túsingennen beri ony toılaı bastaǵan. Iaǵnı, jańa ýaqyttyń bastaýy, eskiden tazaryp, jańanyń kelýi, bolashaqqa degen jańa josparlar men úmit - munyń barlyǵy myńdaǵan jyldar boıy adamdar ómirindegi mańyzdy psıhologıalyq sát boldy.
Ýaqyttyń sıkldik ózgerisin jáne jańa jyldyń bastalýyn bilgen erte zamanǵy adamdar bolashaq búgingi kúnniń jalǵasy dep sanady. Bolashaqtan úmit kútken olar qalaǵan nárselerin júzege asyrýǵa tyrysty. Osydan kelip túrli yrymdar men rásimder paıda boldy.
Óıtkeni barlyǵymyz Jańa jyldy jaqsy kóretin adamdardyń ortasynda qarsy alýǵa tyrysamyz. Mol dastarhan jaıyp, kóterińki kóńil-kúıde bolý, munyń barlyǵy psıhologıalyq turǵydan qaraǵanda aldaǵy 365 kúnge jetetindeı qýat alý bolyp esepteledi. Árıne, biz osy árekettermen beısanalyq túrde Álemge qýanysh, súıispenshilik, molshylyq jáne jaqsylyq týraly habar jiberemiz jáne ol bizge júz eselep qaıtady dep oılaımyz.