«Qazaqstan «volonter bolam, qoǵamdyq ispen aınalysam» degen árbir azamatty qoldaıdy. Qazir elimizde 1 ulttyq jáne 20 aımaqtyq front-ofıs tabysty jumys istep tur.
Volonterler forýmynda sóz sóılegen Memleket basshysy Qasym-Jomart Toqaev osylaı dedi, - dep habarlaıdy Aqshamnews.kz.
Prezıdenttiń aıtýynsha, eriktilerdiń sany artyp keledi. 2020 jyly Qazaqstanda 50 myń volonter bar edi. Qazir olardyń qatary 300 myń adamǵa jetken.
"Elge paıdaly jumyspen aınalysatyn uıymdardyń sany tórt esege jýyq ósip, 800-den asty. Qazirgi tańda eriktilerimiz ekologıa, bilim, mádenıet jáne basqa da salalar boıynsha mańyzdy bastamalar kóterýde. Sonyń ishinde "Jas aǵash", "Eko baqylaý", "Bilim volonterleri" jobalaryn erekshe atap ótýge bolady. Osyndaı is-sharalarǵa 100 myńǵa jýyq erikti qatysty. Ár bastamanyń elge, qoǵamǵa berer paıdasy mol. Men ózderińiz sıaqty jasampaz jastarǵa zor úmit artamyn. Biz bárimiz bir el bolyp, aýqymdy sharýa atqardyq. Endi toqtamaı, tek qana alǵa qaraı júrý úshin zaman aǵymyna saı bolý óte mańyzdy", - dedi Memleket basshysy.