Qazaqstanda Qyzyl kitapqa engen qyzǵaldaqtar bar.
Qyzǵaldaqtardyń mundaı túrleri Túrkistan oblysy men atalǵan óńirdiń ońtústik aımaǵynda, Aqsý-Jabaǵyly men Qarataý qoryǵynda, Berqara baýynda kezdesedi. Olar memlekettik qorǵaýǵa alynyp, Qyzyl kitapqa engizilgen, dep habarlaıdy Almaty-akshamy.kz Egemen.kz-ke silteme jasap.
«Joıylyp ketý qaýpi bar qyzǵaldaq túrlerin julǵan jaǵdaıda, QR Qylmystyq kodekstiń 339-babymen is qozǵalyp, 3000 AEK (10 350 000 tg) deıin aıyppul salynady. Sondaı-aq belgili bir laýazymdardy atqarý nemese belgili bir qyzmetpen aınalysý quqyǵynan bes jylǵa deıin aıyrylady. Sondyqtan qyzǵaldaqtardy julmańyzdar. Kerisinshe, ony brendke aınaldyrýymyz kerek. Bul ósimdik bizdiń qasıetti dalamyzdyń baılyǵy men jerimizdiń ereksheligi», - deıdi Aqsý-Jabaǵyly tabıǵı qoryǵynyń ǵylymı qyzmetkeri Smatýlla Djýmanov.
Olardy julýǵa qatań tyıym salynǵan.