Qyzǵaldaqtyń 18-i Qazaqstannyń Qyzyl kitabyna engizilgen.
Barsakelmes qoryǵynda Borshov qyzǵaldaqtary gúldedi, dep habarlaıdy Almaty-akshamy.kz
Barsakelmes Qyzylorda oblysynyń Aral aýdanynda ornalasqan.
QR ETRM Orman sharýashylyǵy jáne janýarlar dúnıesi komıteti taratqan málimet boıynsha, Borshov qyzǵaldaǵy Barsakelmes qoryǵynda gúldedi.
"Álemde qyzǵaldaqtyń 3000-ǵa jýyq túri bar. Bizdiń elimizde 35 túri ósedi, 18-i Qazaqstannyń Qyzyl kitabyna engizilgen, onyń ishinde Borshov qyzǵaldaǵy da bar", - delingen QR ETRM Orman sharýashylyǵy jáne janýarlar dúnıesi komıtetiniń aqparatynda.
Bul qyzǵaldaq – reseılik botanık Ilá Grıgorevıch Borshovtyń esimimen atalǵan Aral teńizi óńiriniń endemıgi. Atalmysh qyzǵaldaq túri Barsakelmes qoryǵynda kóptep kezdesedi, sáýir-mamyr aıynda gúldep, mamyr-maýsym aılarynda jemistenedi. Jemisi – úsh uıaly kóp tuqymdy qaýashaq.
