2022 jyly Qazaqstan men Iran arasyndaǵy taýar aınalymy $528 mln-dy qurady
QR Premer-Mınıstri Álıhan Smaıylovtyń Iran Islam Respýblıkasyna resmı sapary aıasynda 24-26 sáýir aralyǵynda Tegeranda elimizdiń úshinshi saýda-ekonomıkalyq mısıasy ótýde, dep habarlaıdy Almaty-akshamy.kz.
«QazTrade» saýda saıasatyn damytý ortalyǵy uıymdastyrǵan sharaǵa QR Aýyl sharýashylyǵy mınıstrliginiń, azyq-túlik, hımıa, qurylys, jeńil ónerkásip jáne metalýrgıa taýarlaryn óndiretin qazaqstandyq 20 kompanıanyń, eki eldiń birlesken Saýda palatasynyń, Irannyń Saýda-ónerkásip, taý-ken jáne aýyl sharýashylyǵy palatasynyń ókilderi, sondaı-aq ırandyq taraptan 150-den astam kompanıa ókilderi qatysty.
İskerlik kezdesýler nátıjesinde Qazaqstannan Iranǵa tyńaıtqyshtar, maı ónimderin, iri qara jáne usaq mal etin jetkizý boıynsha $60 mln-nan astam somaǵa eksporttyq kelisimsharttarǵa qol qoıyldy.
QR Saýda jáne ıntegrasıa vıse-mınıstri Qaırat Tórebaevtyń aıtýynsha, 2022 jyly Qazaqstan men Iran arasyndaǵy taýar aınalymy $528 mln-dy qurady, bul – ótken jyldyń sáıkes kezeńimen salystyrǵanda 19,8%-ǵa joǵary. Bul rette qazaqstandyq kompanıalar orta merzimdi perspektıvada Iranǵa jetkizilimderdi odan ári arttyrýǵa daıyn.
Saýda-ekonomıkalyq mısıa aıasynda ırandyq kompanıalar qazaqstandyq fosfatty tyńaıtqyshtar, feroqorytpalar jáne azyq-túlik ónimderin óndirýshilerge joǵary qyzyǵýshylyq tanytty. Ózara tıimdi qarym-qatynastardy odan ári damytý týraly kelisimderge qol jetkizildi.