Qyzdardyń arasynda Qurandy jatqa oqýdan baıqaý ótedi

Mundaı baıqaý alǵash ret 2016 jyly Almaty qalasynda ótkizilgen.

Qazaqstan musylmandary dinı basqarmasynyń uıymdastyrýymen Quran Kárimdi jatqa oqýdan qyzdar arasynda İİ respýblıkalyq baıqaý ótedi, dep habarlaıdy Almaty-akshamy.kz QMDB baspasóz qyzmetine silteme jasap.

Alla Taǵala Quran Kárimde ıgilikte jarysýdy buıyrǵan bolatyn. Iaǵnı Allanyń kálamyn jattaý men oqý arqyly jarysýǵa úndedi. Haq Taǵalanyń osy úndeýin oryndaý maqsatynda, Qazaqstan musylmandary dinı basqarmasy 2016 jyly Almaty qalasynda Qurandy jatqa oqýdan qyzdar arasynda tuńǵysh respýblıkalyq baıqaý ótkizgen bolatyn. Endi mine, ekinshi baıqaý 9-10 naýryz aralyǵynda el astanasy Nur-Sultan qalasynda ótkiziledi.

 Úmitker qyzdarǵa qoıylatyn talaptar:

– úmitkerdiń Qazaqstannyń azamaty bolýy mindetti;

– úmitkerdiń jasy 30-dan aspaǵan bolýy qajet;

– úmitker bir nomınasıaǵa ǵana qatysa alady;

– ár nomınasıada talap etiletin paralardy tolyq jattaýy tıis;

– jarysqa qatysýshynyń jattaǵan paralary tolyq bolýy kerek, ıaǵnı eki jerden jarty-jarty parany biriktirip usynýǵa bolmaıdy;

– jarysqa qatysý qujattaryn uıymdastyrýshylar belgilegen merzimde tapsyrýy kerek;

– úmitker óz oblysyndaǵy QMDB ókildiginiń joldamasymen kelýi shart;

– ár oblystan bir nomınasıaǵa bir úmitker usynylady (barlyǵy 4 úmitker);

– Qurandy jatqa oqý nomınasıasy boıynsha respýblıkalyq jarystardyń júldegerleri jarysqa qatysa almaıdy.

 Baıqaýdyń nomınasıalary:

1. Qurandy tolyq jatqa oqý

1-oryn (1 300 000 teńge)

2-oryn (1 000 000 teńge)

3-oryn (700 000 teńge)

1. Qurannyń 20 parasyn jatqa oqý

1-oryn (800 000 teńge)

2-oryn (600 000 teńge)

3-oryn (500 000 teńge)

1. Qurannyń 10 parasyn jatqa oqý

1-oryn (500 000 teńge)

2-oryn (300 000 teńge)

3-oryn (200 000 teńge)

1. Qurannyń 5 parasyn jatqa oqý

1-oryn (300 000 teńge)

2-oryn (200 000 teńge)

3-oryn (100 000 teńge)

Jalpy júlde qory: 6 500 000 teńge