Zamanmen birge qazaqtyń salt-dástúri, ulttyq oıyndary da jańǵyryp keledi.
Óskeleń urpaqtyń oıyndardyń atyna ǵana emes, zatyna da qanyq ekendigi qýantady. Sonyń biri asyq oınaý.
Er balalardyń asyqqa úıir ekeni belgili ǵoı. Keıingi kezde qyzdarymyz da beıimdelip keledi eken, dep habarlaıdy almaty-akshamy.kz 24.kz-ke silteme jasap. Elordalyq Káýsar Seriktiń bes asyqpen aınalysyp júrgenine bes jyldan asty. Burymdy qyz osy ýaqyt aralyǵynda asyqty urshyqsha ıirip, talaı báıgelerdiń aldy boldy. Tipti QR chempıonatynda da tuǵyrdyń birinshi satysynan kóringen.
Káýsar Serik, asyq atýdan QR chempıony:
- Birinshi meni ápkem úırete bastady jan-jaqty. Sodan keıin mektepte úıretile bastady. Qazirde damyp kele jatyr. Meniń, mysaly, úlken ápkelerim bar, artymnan ergen sińlilerim de bar oınap júrgen. Ata-babadan kele jatqan oıyn ǵoı. Oınaǵyn keledi qyzyqty.
Qaladaǵy asyq atý mektebinde oqýshylardan bólek eresekter de sheberlikterin shyndaıdy. Qazir bul jerde 11 sport sheberi, 20 sport sheberine úmitker bar. Qalalyq asyq oıyny federasıasy prezıdentiniń aıtýynsha bes asyq oıynyna qyzyǵýshylyq kóp. Óıtkeni bul oıynnyń adam densaýlyǵyna tıgizer paıdasy mol.
Eskendir Rahmetov, Astana qalasynyń "Asyq oıyny" federasıasy prezıdenti:
- Bes asyq oıyny arqyly bizdiń kózimizdiń bulshyq etteri, qoldyń motorıkasy, moıyn etteri odan qala berse psıhıkalyq turǵydan jaqsy tárbıeleıdi. Otyryp oınasa da óte utymdy, sulý oıyn qyzdarǵa arnalǵan. Densaýlyqqa paıdasy óte mol. Ol qoljetimdi oıyn. Yqsham jerde oınap shyǵasyz. Úlken sportzaldy talap etpeıdi. Túrli-túrli is-sharalarda qoldanylatyn qol jetimdi sport.
Eskendir Rahmetovtyń ozyq shákirtteriniń biri Arýjan Qýanova. Ol byltyrǵy jyly ótken 6 shy ulttyq sport túrleri festıváliniń jeńimpazy. QR chempıonatynyń birneshe dúrkin júldegeri. Endi ol kúzde ótetin bási bıik kóshpendiler oıynyna qatysýǵa den qoıyp otyr.
Arýjan Qýanova, QR Asyq oıyny sportynan sport sheberi:
- Bul oıynmen meniń aınalysyp jatqanyma 2017 den beri 6-7 jyldaı ýaqyt bolyp qaldy. Jáne bul oıyn eptilikti sheberlikti damytady. Osynyń arqasynda eptilik, shapshandyq damyp kele jatyr. Bul oıyndy oınaǵan óte qyzyq. Kóbisi oılaıdy onaı oıyn dep. Bul qıyn oıyn negizinde.
Asyq oıyny ulttyq oıyndardyń ishinde asa tanymaly jáne qazaq halqynyń dástúrli ulttyq oıyndarynyń eń qyzyqty ári óte keń taraǵan túri. Sondyqtan ǵasyrlar boıy halyqtyń zerdesinde saqtalyp kelgen osy bir oıyndy óskeleń urpaqty tárbıeleýdiń quraly retinde paıdalansaq utarymyz kóp bolady.