Eki eldiń azamattaryna qatysty aqparat almasý júzege asyrylady
İshki ister mınıstri Erjan Sádenov Májilistiń jalpy otyrysynda qos azamattyq jaıly aıtty, dep habarlady Almaty-akshamy.kz Azattyq Ruhy-na silteme jasap.
«Azamattardyń qos azamattyǵy týraly aqparatty tek olardyń kelisimi boıynsha ǵana beremiz. Kóbine azamattar mundaıǵa kelisim bermeıdi. Búgingi kelisimniń ratıfıkasıasy osy derekterdi jedel alýǵa múmkindik beredi. Qos azamattyqty anyqtaý týraly suraqqa toqtasaq, bul kúndelikti jumys. Bıyl 462 adam qos azamattyǵy úshin ákimshilik jaýapkershilikke tartyldy. Biraq Qytaı boıynsha ondaı anyqtalǵan joq», - dedi Sádenov.
Májiliste «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Taraptar memleketteriniń azamattaryna qatysty aqparat almasý týraly kelisimdi ratıfıkasıalaý týraly» zań jobasy maquldandy.
Kelisimdi ratıfıkasıalaý Qazaqstan Respýblıkasy men Qytaı Halyq Respýblıkasynyń kóshi-qon jáne qos azamattyqqa qarsy is-qımyl salasyndaǵy quzyretti organdary arasyndaǵy yntymaqtastyq úshin quqyqtyq negiz qalyptastyrýǵa múmkindik beredi. Kelisim Taraptar memleketteriniń azamattaryna qatysty kóshi-qon salasynda aqparat almasý boıynsha ózara is-qımyldy kózdeıdi.