Qytaıdyń Shyńjań uıǵyr avtonomdyq aýdanynda taǵy da jer silkinisi boldy. Bul joly jerasty dúmpýleri Kýcha qalasynyń mańynda tirkeldi. Bul týraly Aqshamnews.kz saıty habarlaıdy.
Qytaıdyń seısmologıalyq ortalyǵynyń málimetinshe, zilzala bir kún ishinde eki ret qaıtalanǵan. Jerasty dúmpýleri 10 shaqyrym tereńdikte oryn alǵan, al onyń magnıtýdasy 5 balǵa deıin jetken. Jer silkinisiniń dúmpýi eldiń soltústik-batysyndaǵy birneshe qalada aıqyn sezilgen.
Qazirgi ýaqytta tabıǵı apat aımaǵyna Tótenshe jaǵdaılar qyzmetiniń mamandary men jedel qutqarý jasaqtary jiberildi. Olar apattyń saldaryn anyqtap, qajetti qutqarý jáne kómek kórsetý jumystaryn júrgizýde.
Zardap shekkender men jaraqat alǵandar týraly resmı aqparat ázirge jarıalanǵan joq. Jergilikti bılik pen qutqarý qyzmetteri jaǵdaıdy baqylaýda ustap otyr.