2024 jyly Almaty qalasynyń memlekettik qýyrshaq teatry 1390 qoıylym usynyp, 92 myń kórermen tamashalady
Aldyńǵy jyly Qazaqstannyń Memlekettik qýyrshaq teatrynda 1390 qoıylym kórsetilip, olardy 92 myń kórermen tamashalady, dep habarlaıdy aqshamnews.kz.
Bul sońǵy jyldardaǵy eń joǵary kórsetkish boldy. Bıletterden túsken tabys ta tarıhı deńgeıge jetip, 80,8 mln teńgeni qurady. Bul týraly teatr dırektory Almat Amangeldi Óńirlik komýnıkasıalar qyzmetindegi brıfıńte málimdedi.
Ótken jyl Memlekettik qýyrshaq teatry úshin naǵyz serpindi kezeń boldy. Qoıylymdar sany 2023 jylmen salystyrǵanda 200-ge artsa, kórermender sany 8800 adamǵa ósti. Bul kórsetkishter qazaqstandyqtardyń qýyrshaq teatryna jáne onyń qoıylymdaryna degen qyzyǵýshylyǵynyń artyp kele jatqanyn kórsetedi.
Salystyrmaly túrde alsaq, 2019 jyly teatr bar bolǵany 703 qoıylym kórsetip, 53 myńnan az kórermen jınaǵan edi – bul 2024 jylǵy kórsetkishten eki ese az.
«Bul jyly biz keremet nátıjelerge qol jetkizdik. Qazaqstannyń qýyrshaq teatry dástúrlerdi saqtap qana qoımaı, ınovasıalar engizip, repertýaryn keńeıtip, halyqaralyq deńgeıge de belsendi túrde shyǵyp jatyr», – dep atap ótti Almat Amangeldi.