Halyqaralyq qonaq úı jelilerin tartý esebinen 2030 jylǵa qaraı qalanyń nómirlik qoryn 3 esege keńeıtý josparlanýda.
Bul týraly «Týrısik brendtiń negizi retindegi turaqty qonaq úıler» VI Halyqaralyq qonaq úı forýmy barysynda Almaty qalasy Týrızm basqarmasynyń basshysy Ǵalıa Toqseıitova málimdedi.
Onyń aıtýynsha, qazirgi ýaqytta Almatyda birjolǵy syıymdylyǵy 21 715 tósek-orynǵa arnalǵan 347 ornalastyrý oryndary bar. Sonymen qatar, qala qonaq úıleriniń tek 8,3%-ynda ǵana 3-5 juldyz sanaty bar, bul jaıly týrısik tájirıbeni qalyptastyrýǵa yqpal etpeıdi.
Bıyl jeke ınvestısıalar esebinen "Qazaq Auyl" meıramhanalyq kesheni bar eko-qonaq úı jáne 112 bólmeli 4 juldyzdy "Grand Mildom" qonaq úıi ashyldy. Nómirlik qordy keńeıtý maqsatynda qalalyq Týrızm basqarmasy týrızm salasyna ınvestorlardy tartý boıynsha jumysty júrgizýde. 2024 jyly megapolıste 300 nómirli jańa apart-qonaq úı jáne 90 nómirli qonaq úı kesheni paıdalanýǵa beriledi, 872 nómirli taǵy tórt qonaq úı salý boıynsha jobalyq jumystar júrgizilýde.
«Búgin biz Almatyda týrısik aǵynnyń belsendi ósýin baıqap otyrmyz. Birinshi jartyjyldyqtyń qorytyndysy boıynsha qala 972 myńnan astam adamdardy qabyldady, onyń ishinde 261 myńnan astamy sheteldik, 710 myńy ishki týrıser. Mamandardyń boljamy boıynsha, 2025 jyly sheteldik týrıser sany 600 myń adamǵa deıin ósedi», – dep atap ótti Ǵalıa Toqseıitova.
Almatydaǵy Halyqaralyq qonaq úı forýmy jumys istegen jyldar sala sarapshylary úshin tıimdi dıalog alańyna aınaldy. Bıyl qonaq úı ındýstrıasy salasyndaǵy basty oqıǵa Qazaqstan, Ázirbaıjan, Grýzıa, Gresıa, Polsha, Fransıa, Úndistan, Katar, BAÁ jáne Sıngapýrdan sarapshylardy jınady. Forýmnyń negizgi taqyryby jergilikti týrızmniń mańyzdy quramdas bóligi retinde qonaq úı bıznesiniń turaqty damýy jáne ESG qaǵıdattaryna berilgendik boldy.
Sala kóshbasshylary qonaqúılerdi salý kezinde energıany únemdeıtin tehnologıalarǵa kóshý, qonaq úı qyzmetkerleriniń emosıonaldyq ál-aýqatynyń mańyzdylyǵy, tıimdi korporatıvtik basqarý strategıasy máselelerin qarastyrdy. Paneldik sesıalar barysynda halyqaralyq jáne otandyq qonaq úı bıznesiniń sońǵy úrdisteri, sondaı-aq týrızmdi damytýdy yntalandyrý tetikteri talqylandy.