Olar komandanyń úzdigi bolyp sanalady.
Bıatlonnan Qazaqstan komandasy Beıjiń Olımpıadasyna 12 joldama jeńip aldy. Tórtjyldyqtyń basty dodasynda elimizdiń atynan Galına Vıshnevskaıa, Aleksandr Mýhın jáne Vladıslav Kıreev synǵa túsedi. Bul týraly komandanyń bas bapkeri Maqsat Sharanov aıtty dep habarlaıdy Almaty-akshamy.kz Olympic.kz caıtyna silteme jasap.
«Bıatlonnan Olımpıada lısenzıasy komandanyń maýsymdaǵy kórsetkishterine qaraı beriletin. Alaıda, pandemıaǵa baılanysty Halyqaralyq bıtlonshylar odaǵy jarys josparyn túgeldeı ózgertti. Buryn 1-den 20-shy orynǵa deıingi komandalarǵa tórt kvota, 20-23 orynǵa eki kvota, 24-shi orynnan ári qaraı Wild Card beriletin. Bıyl tek 20-shy orynǵa deıingi komandalardyń kvotasy saqtalyp, odan tómen ornalasqandar jekeleı kórsetkishi boıynsha joldama ıelendi. Al mundaı oryndar bar bolǵany 12 ǵana.
Taǵy bir aıta keterligi, Qytaı komandasy TOP-20 qataryna enbese, jarysty qabyldaýshy el retinde avtomatty túrde Wild Card boıynsha 4 kvota ıemdenedi. Nátıjesinde, segiz bos orynǵa 35 komanda talasady. Al estafetada 27 qurama baq synaıdy. Osyǵan oraı, bizdiń qyzdar komandasynyń aldynda tórt joldama alý maqsaty turdy. Alaıda, bizdiń quramany Qytaı qýyp jetip, biz kvotadan aıyryp qaldyq. Qazaqstan atynan Galına Vıshnevskaıa ǵana qatysady.
Erler komandasynyń aldynda eki joldama alý maqsaty túrǵan. Olar bul jospardy oryndady. Olımpıadaǵa Aleksandr Mýhın men Vladıslav Kıreev qatysady. Lısenzıalyq búkil komandaǵa berildi. Biraq osy eki sportshynyń eńbegi kóp. Qazirgi sátte olar komandanyń úzdigi sanalady», - dedi bas bapker.