Almaty qalasynyń tynys-tirshiligin qalpyna keltirý jónindegi qalalyq shtab otyrysynda qala ákimi áleýmettik mańyzy bar azyq-túlik taýarlarynyń baǵasyn retteý boıynsha tapsyrma berdi
B. Saǵyntaev baǵa monıtorıńi jumysynyń arqasynda úı janyndaǵy dúkenderdiń birqatary baǵany deńgeıge qaıtarǵanyn atap ótti, dep habarlaıdy Almaty-akshamy.kz
«Alaıda, jalpy ákimdikpen retteletin baǵalardy engizý týraly sheshim qabyldaýǵa bolatyn nusqa bar. Iaǵnı, biz ÁMAT-tyń barlyq túrlerine shekti baǵalardy belgileı alamyz. Búginde ónimniń eki túri boıynsha shekti baǵany belgileý týraly sheshim daıyndap jatyrmyz. Bul - sábiz jáne kúnbaǵys maıy. ÁMAT-tyń barlyq basqa túrleri boıynsha shekti baǵalardy jedel belgileý bizge qoldanystaǵy erejeler bermeıdi», - dep atap ótti megapolıs basshysy.
B. Saǵyntaev Qazaqstannyń Premer-Mınıstri Álıhan Smaıylov baǵanyń ósýine neǵurlym jedel áreket etý úshin shekti baǵalardy engizý qaǵıdalaryna ózgerister engizý ıdeıasyn qoldaǵanyn atap ótti. Osyǵan baılanysty Úkimet basshysy saýda jáne ıntegrasıa mınıstrligine tıisti tapsyrma berdi.
«Qazirgi qıyn kezde talapqa saı jumys jasaýlary úshin saýda núktelerine júgingim keledi. Bizde osy tarmaqtardyń barlyǵyn retteýge arnalǵan qural bolady. Biz belgili bir merzimge barlyq baǵalardy toqtatýdy sheshemiz. Bizge bul naryqqa qarsy sharalar dep aıtýǵa bolady, biraq naryq jaǵdaıynda, eger túrli buzýshylyqtar bastalsa, biz oǵan qatań áreket etýimiz kerek», - dep málimdedi Almaty ákimi.
B. Saǵyntaev qaladaǵy et dúkenderi jumysyna erekshe nazar aýdardy. Ol buryn adamdar ettiń jeńildetilgen baǵamen satylatynyn bilmeıtinin atap ótti. Biraq bul týraly habarlanǵannan keıin, adamdardyń kópshiligi osy dúkenderge bara bastady.
«Eger mundaı dúkenderdi ashý úshin qosymsha qoldaý qajet bolsa, onda tıisti ótinimdermen Strategıa men búdjet basqarmasyna tıisti ótinim jasaý kerek. Biz bul máseleni qarastyramyz, onyń ústine jaqyn arada búdjetti naqtylaýǵa daıyndalyp jatyrmyz», - dedi Almaty ákimi.
Ol jaqyn kúnderi osyndaı dúkenderdi ashýdy qosymsha qarjylandyrý máselesin qarastyrýdy tapsyrdy, sondyqtan osy bes dúkende et jeńildikpen satylyp qana qoımaı, barlyq almatylyqtar turatyn jerlerine jaqyn jerden satyp ala alady.
Eske salsaq, Almatyda kókónis áleýmettik dúkenderiniń úlgisi boıynsha 5 bazarda et dúkenderi iske qosyldy: «Juldyz», «Orbıta», «Taýsamaly», «Arystan», Tastaq. Olarda sıyr etiniń keýde-jaýyryn bóligi 2050 tg/kg-nan satylýda, bul ortasha naryqtyq baǵadan 13,5%-ǵa tómen (QQ-2325 tg/kg).