Qaladaǵy tártipsizdikter kezinde zaqymdanǵan jol qozǵalysyn retteıtin tehnıkalyq quraldar qalpyna keltirildi
Qala ákimdiginiń aldyn ala boljamy boıynsha jol qozǵalysyn retteýdiń tehnıkalyq quraldaryna 60 mln teńgege jýyq shyǵyn keltirildi. Bul týraly qalalyq mobıldilik basqarmasynyń basshysy Ǵanı Myrzahanov onlaın brıfıń barysynda málim etti, dep habarlaıdy Almaty-akshamy.kz QazAqparatqa silteme jasap.
Ǵanı Murzahanovtyń aıtýynsha, qańtar aıyndaǵy tártipsizdik kezinde 46 baǵdarsham zaqymdandy. 120-dan astam mańdaısha men panelder synǵan. Qazirgi ýaqytta barlyq nysandar qalpyna keltirildi.
«2 myń sharshy metrden astam trotýar jabyndysy buzyldy. Bul - negizinen Raıymbek dańǵyly men Tóle bı kóshesiniń boıyndaǵy trotýarlar. Qazir onyń bári qalpyna keltirildi. Sonymen qatar, tehnıka janyp ketken jerlerdegi asfálttar aýystyryldy», - deıdi ol.
Sonymen qatar, basqarma basshysy jappaı tártipsizdikter kezinde jol ınfraqurylymyna shamamen 60 mln teńge shyǵyn keltirilgenin málim etti.
«Naqty shyǵyndy dóp basyp aıta almaımyn. Alaıda aldyn ala boljam boıynsha 60 mln teńge. Jol qozǵalysyn retteýdiń tehnıkalyq quraldaryna 50 mln teńge, jol jabyndysyna 10 mln teńgege jýyq shyǵyn keldi», - deıdi spıker.