Qytaıdyń soltústik-batysyndaǵy Nınsá-Hýeı avtonomıalyq aýdanynyń Inchýan qalasynda ornalasqan barbekú meıramhanasynda jarylys bolyp, 31 adam qaza tapty. Bul týraly Almaty-akshamy.kz Sınhýa aqparat agenttigine silteme jasap habarlaıdy.
Jarylys jergilikti ýaqyt boıynsha shamamen saǵat 20:40-ta, Inchýan qalasyndaǵy Sınsın aýdanynda ornalasqan meıramhanada boldy. Oǵan suıytylǵan munaı gazynyń aǵýy sebep bolǵany habarlanady.
Nınsá-hýeı avtonomıalyq aýdanynyń QKP komıtetiniń málimetinshe, jarylystan 38 adam zardap shekken, onyń 31-i kóz jumdy. Qalǵan 7 adamǵa medısınalyq kómek kórsetilip jatyr, olardyń bireýiniń jaǵdaıy aýyr.