AQSH bıligi sheteldikterden elge vızasyz kirý aldynda olardyń áleýmettik jelilerdegi tarıhyn jáne basqa da jeke derekterin suraýdy josparlap otyr, dep habarlaıdy aqshamnews.kz
AQSH bıligi sheteldik týrıserden sońǵy bes jyldaǵy onlaın “ómiri” týraly málimetterdi mindetti túrde talap etý múmkindigin qarastyryp jatyr. Bul usynys Kedendik jáne shekara qyzmeti tarapynan jarıalanǵan. Bastama vızasyz kirý baǵdarlamasy boıynsha AQSH-qa baratyn 42 eldiń azamattaryna áser etedi. Tizimge Ulybrıtanıa, Fransıa, Germanıa, Ońtústik Koreıa jáne basqa da memleketter kiredi.
Qazirgi tártip boıynsha, baǵdarlama qatysýshylary eki jylǵa ruqsat beretin ESTA júıesin paıdalanady. Ol úshin baılanys derekteri men 40 dollar tólem jetkilikti. Alaıda Kedendik jáne shekara qyzmeti mindetti aqparattar tizimin aıtarlyqtaı keńeıtýdi usynyp otyr.
Qujatqa sáıkes, ótinish berýshilerden mynadaı derekter suralýy múmkin: sońǵy on jyldaǵy elektrondy poshta mekenjaılary; otbasy músheleri týraly kólemdi aqparat; sońǵy bes jyl ishindegi áleýmettik jelilerdegi paraqshalar tizimi. Qyzmettiń pikirinshe, mundaı tekseris qaýipsizdikti kúsheıtip, sheteldikterdiń elge kirýine qatysty táýekelderdi dálirek baǵalaýǵa múmkindik beredi.
The New York Times sóılesken týrısik ındýstrıa ókilderiniń aıtýynsha, bılik bul usynysty jarıalar aldynda salamen keńespegen. Sarapshylardyń biri bastamany «sheteldik saıahatshylarǵa baqylaýdy aıtarlyqtaı kúsheıtetin shara» dep atady.
Zańgerler de eskertý jasap otyr: jınalatyn derekter kólemin arttyrý ótinishterdi qaraý merzimin uzartýy jáne elge kirgen kezde qosymsha tekseriske jiberiletin týrıserdiń kóbeıýine ákelýi múmkin.