Almaty polıseıleri shetelde tirkelgen kólikter aıyppuldaryn tóleýden jaltaratynyn aıtty, – dep habarlaıdy almaty-akshamy.kz Polisia.kz-ke silteme jasap. Eske salaıyq, osy kúnderi Almatyda «Boryshker» respýblıkalyq is-sharasy ótip jatyr. Tártip buzýshylardyń kólikteri mamandandyrylǵan aıyppul turaǵyna ornalastyrylady.
«Jaqynda aýdanymyzdyń aýmaǵynda bes kólik ustaldy. Bul kólikterdiń ıelerinde jol qozǵalysy erejesin buzǵany úshin iri kólemdegi aıyppuldary bar jáne olardy tóleýdi josparlamaǵan kórinedi. Qaryz tolyq ótelgenshe kólikter arnaıy turaqqa ornalastyryldy. Osylaısha, quqyq buzýshylyqqa múldem tózbeýshilik qaǵıdaty, jasalǵan buzýshylyqtar úshin jazanyń bultartpastyǵy jáne salynǵan ákimshilik aıyppuldardy óndirýdiń tıimdiligin arttyrý qamtamasyz etildi», – dedi Almaly aýdandyq polısıa basqarmasynyń bastyǵy Esen Ysqaqov.
Polısıada is-sharaǵa MKD-niń qyzmetkerleri men óńirlik jeke sot oryndaýshylar palatasynyń sot oryndaýshylary tartylǵanyn eske saldy. Avtokólikter qarqyndy júretin oryndarǵa patrúldik polısıanyń kólikteri jumyldyryldy. «Qorǵaý – Qaýipti júrgizýshi» avtomattandyrylǵan aqparattyq júıelerdiń múmkindikteri de keńinen qoldanylyp jatyr.