Qytaıda COVID-19 juqtyrýdyń jańa 93 jaǵdaıy tirkeldi
Bul týraly QHR Densaýlyq saqtaý jáne bala týý jónindegi memlekettik komıteti habarlady. 93 jaǵdaıdyń 35-i eldiń soltústik-shyǵysyndaǵy Heıhe qalasynda tirkelgeni atap ótildi, dep habarlaıdy Almaty-akshamy.kz
Vedomstvoda bir kún buryn el ishinde 54 adam juqtyrǵany, ótken aptada 59 adam juqtyrǵany anyqtaldy. Sheneýnikter qazirgi jaǵdaı óte juqpaly delta shtamyna baılanysty dep sanaıdy. Sonymen birge, jergilikti BAQ bul tendensıany «alańdaýshylyq týǵyzady» dep jazýda. Sebebi bılik qabyldaǵan qatań shekteý sharalaryna qaramastan aýrý juqtyrý geografıasy keńeıip barady.
Qytaı bıligi vırýstyń taralýyn turǵyndardy jappaı testileý jáne aýrýhanalardy maqsatty túrde jabý arqyly boldyrmaýǵa tyrysty, óıtkeni aýrý 11 provınsıaǵa taralǵan. Qytaı saparlarǵa shekteýler qoıyp, tekserýlerdi kúsheıtti jáne aýrýdy basý úshin saq bolýǵa shaqyrdy.
Buǵan deıin Qytaıdyń Ýhan qalasynyń bıligi qalada koronavırýs ınfeksıasynyń birneshe jaǵdaıy anyqtalǵannan keıin búkil halyqty PTR-testileýden ótkizgen edi.
