Básekelestik jáne monopolıa salasyndaǵy jańa zań jobasy memlekettik jáne jeke menshik operatorlardyń sanyn qysqartyp, jumysyn retteýge múmkindik beredi. Básekelestikti qorǵaý jáne damytý agenttiginiń tóraǵasy Serik Jumanǵarın Májilistiń jalpy otyrysynda osylaı málim etti, dep habarlaıdy almaty-akshamy.kz QazAqparatqa silteme jasap.
Agenttik tóraǵasy Májilis depýtattaryna «QR keıbir zańnamalyq aktilerine básekelestikti damytý máseleleri boıynsha ózgerister men tolyqtyrýlar engizý týraly» Zań jobasyn birinshi oqylymda tanystyrǵan bolatyn.
«Kelesi mańyzdy qadam – memlekettik jáne jeke operatorlardyń qyzmetin retteý. Búginde monopolıany engizý negizderin Kásipkerlik kodeks memlekettik aıqyndaıdy. Sonymen qatar, Qazaqstanda memlekettik monopolıa qurmaı belgili bir qyzmet túrlerin júzege asyrýǵa aıryqsha quqyqtardy zańnamalyq túrde berý praktıkasy qalyptasty. İs júzinde memlekettik jáne jeke operatorlar dep atalatyn balama ınstıtýt quryldy. Biz 51 operatordy anyqtadyq, onyń 47-si memlekettiń qatysýymen quryldy. Endi olarǵa memlekettik monopolıa sýbektilerine qoldanylatyn quqyqtyq shekteý rejımi qoldanylýy kerek», - dedi Serik Jumanǵarın.
Onyń aıtýyna qaraǵanda, quqyqtyq shekteýler aıasynda iri operatorlardyń beıimdiginen tys qyzmetti júzege asyrýyna tyıym salý, sondaı-aq konkýrstyq irikteý jáne qyzmettiń jarıalylyǵy sıaqty sharalar talap etiledi.
«Eń bastysy, operatorlardyń sanyn azaıtý qajet. Qazir 9 operator boıynsha túbegeıli sharalar qabyldanady. Olar zań jobasy qabyldanǵannan keıin mártebesinen aıyrylady. Osydan keıin Úkimet 4 sýbektini jekeshelendirý merzimin belgileıdi. Onyń ekeýi jeke menshikte jáne úsheýi vedimistik baǵynysty uıym retinde jumysyn jalǵastyrady. 18 operator boıynsha retteý talap etilmeıdi, sebebi olar qoǵamdyq qyzmetterdi júzege asyrady jáne paıda almaıdy. Qalǵan 24 operator boıynsha qatań monopolıaǵa qarsy retteýdi qamtamasyz etý usynyldy», - dedi agenttik basshysy.