Qytaıda kún saıyn aýrýdy juqtyrǵandar sany azaıyp keledi. Alaıda bılik sanıtarlyq sharalardy jeńildetpeı otyr dep habarlaıdy almaty-akshamy.kz
Naýqastarmen aralasqan adamdar dárigerlik baqylaýǵa alynady. Al ózge ýaqytta bolsa da naýqas bolǵan oryndarǵa barǵan barlyq turǵyndar úılerinde karantınde otyrýy tıis. İndettiń sońǵy tolqynan beri bir aı ótti. Alaıda erejeler jeńildegen joq. Aralasqan adamdarmen qatar naýqastar bolǵan jerge barǵan adamdar da oqshaýlandyrylady.
Qytaıda naýqastarmen qatynasta bolǵandardy Bıg data kómegimen anyqtaıdy. Bul uıaly telefonnyń nómiri boıynsha jınalǵan derekter. Karantındegi adamdardyń júris-turysyn da osylaı qadaǵalaıdy.
Tártip buzǵandarǵa qatań sharalar men qomaqty aıyppul qarastyrylǵan. Tipti arnaıy oqshaýlaný ortalyǵyna jiberýi múmkin. Munda eki apta ótkizgen adam shamamen bir myńǵa jýyq dollar tóleıdi. Al eger karantın tártibin buzyp, ózge adamdarǵa koronavırýs juqtyrsa, qylmystyq jazaǵa tartylady.