Petropavl qalasynda Ulttyq lıganyń áıelder komandalary arasynda Qazaqstan chempıonatynyń 1-týry aıasynda sýperkýbok sarapqa salyndy, dep habarlaıdy almaty-akshamy.kz QazAqparatqa silteme jasap.
El chempıony, sondaı-aq bıylǵy kýbok ıegeri Óskemenniń «Altaıy» men Qazaqstan kýbogynyń fınalısi taldyqorǵandyq «Jetisý» alańǵa shyqty.
Serbıalyq maman Marko Grshıch jattyqtyratyn óskemendik qyzdar (komanda kapıtany Sana Anarqulova) alǵashqy partıada basymdylyq tanytty – 25:16. Ekinshi sette Elena Pavlovanyń shákirtteri esepti teńestirdi – 25:21.
Degenmen budan keıin «Altaı» qarsylastaryna des bergen joq – 25:19, 25:17. Jalpy esep – 3:1. Osylaısha óskemendikter besinshi ret sýperkýbokty utyp aldy.
Bul – olardyń bıylǵy tórtinshi júldesi. «Altaı» buǵan deıin chempıondyq kýbokqa qosa Azıa klýbtyq birinshiliginde de úzdik shyqqan bolatyn.
«Altaı» jańa maýsymdy da sátti bastap, 1-týrda jeti oıynnan keıin 21 upaımen jekedara birinshi orynǵa shyqty. Taldyqorǵandyqtar 6 kezdesýden 15 upaı jınap, ekinshi satyda qaldy.