Qytaıda koronavırýs juqtyrǵandardy bir ortalyqta oqshaýlap ustaý toqtatyldy.
QHR-da endi koronavırýs ınfeksıasyn juqtyrǵandar úıden emdele alady nemese medısınalyq mekemeniń kómegine júginýine bolady, dep habarlaıdy Almaty-akshamy.kz QazAqparatqa silteme jasap.
Qytaıda COVID-19-ǵa shaldyqqandardy karantın ortalyqtarynda oqshaýlaý alynyp tastaldy. Buǵan deıin QHR bıligi koronavırýsty múldem taratpaý saıasatyn júrgizip, barlyq ákimshilik-aımaqtyq mekemelerinde koronavırýs ınfeksıasyn juqtyrǵan adamdarǵa arnap karantın ortalyqtaryn salǵan bolatyn.
Endi naýqastarǵa aýrýhanadan shyqqanda koronavırýstyń bar-joǵyn anyqtaıtyn PTR-testtiń teris nátıjesi qajet emes. COVID-19-ǵa dıagnostıka jasaý jáne emdeýdiń jańa hattamasynda aýrý buryn «jańa koronavırýs pandemıasy» bolsa, endi «jańa koronavırýs ınfeksıasy» bolyp ózgergen.
Buǵan deıin QHR Densaýlyq saqtaý isteri boıynsha memlekettik komıtettiń sheshimi boıynsha koronavırýsqa qarsy kúres sharalarynyń sanaty eń joǵarǵy A-dan V-ǵa túsken bolatyn.
Qytaı aýrýlardy baqylaý jáne aldyn alý ortalyǵynyń 2023 jyldyń 6 qańtaryndaǵy deregine sáıkes, qurlyqtyq Qytaıda ótken táýlikte 10,6 myń adam koronavırýs juqtyrǵan. Densaýlyq týraly málimet jınaıtyn Airfinity brıtandyq kompanıasynyń zertteýi boıynsha, COVID-ten táýligine 9 myń adamǵa deıin qaıtys bolǵan. Pandemıa bastalǵaly QHR-da koronavırýstan 5267 adam qaıtys boldy.