7-8 qańtar aralyǵynda qar kóshkini qaýpi saqtalady.
Almaty taýlarynda qar kóshkini qaýpi saqtalady. Osyǵan oraı, qutqarýshylar qala turǵyndary men qonaqtaryna taýǵa shyqpaýǵa keńes beredi, dep habarlaıdy Almaty-akshamy.kz
«Úlken jáne Kishi Almaty ózenderiniń baseınderinde jaýyn-shashynnyń túsýine jáne qar jamylǵysynyń turaqsyz jaǵdaıyna baılanysty 7-8 qańtar aralyǵynda qar kóshkini qaýpi saqtalady. Sondyqtan qala turǵyndary men qonaqtarynan taýǵa saıahattaýdy keıinge shegere turýdy suraımyz», - delingen Almaty qalasy Tótenshe jaǵdaılar departamentiniń habarlamasynda.
Buǵan deıin Almatyda bir táýlikte 18 ret ret qar kóshkini júrgen edi.
Esterińizge sala keteıik, qazirgi ýaqytta Úlken Almaty kóli men Shymbulaqqa baratyn avtojoldar jabyq.
Taýly aımaqtaǵy qar kóshkini - asa qaýipti tabıǵı qubylys. Qar kóshkininiń maksımaldy jyldamdyǵy saǵatyna 80 shaqyrymǵa deıin jetýi múmkin.