9-14 qańtarda Adelaıda-2 WTA 500 týrnıri ótedi.
9-14 qańtarda ótetin Adelaıda-2 (Aýstralıa) WTA 500 týrnıriniń jerebesi tartyldy, dep habarlaıdy Almaty-akshamy.kz Qazaqparatqa silteme jasap.
Dúnıejúzilik reıtıńte 21-orynda turǵan qazaqstandyq Elena Rybakına alǵashqy aınalymda álemniń 8-raketkasy, reseılik Dará Kasatkınamen sheberlik baıqasady.
Ótken jyly San-Hose (AQSH) WTA 500 týrnırinde D.Kasatkına E.Rybakınadan 1:6, 6:2, 6:0 esebimen basym túsken bolatyn.
Adelaıdada ótetin ekinshi iri jarysta fransıalyq Karolın Garsıa birinshi, týnıstik Ons Jaber ekinshi raketka bolyp tirkelgen. Olardyń ekeýi de dodany ekinshi aınalymnan bastaıdy. Álemniń 1-raketkasy, Polsha ókili Iga Sventek týrnırge qatysýdan bas tartty.
Birinshi aınalymda sondaı-aq Garbıne Mýgýrýsa (Ispanıa) — Belında Benchıch (Shveısarıa), Paýla Badosa (Ispanıa) — Anett Kontaveıt (Estonıa), Lúdmıla Samsonova (Reseı) – Petra Kvıtova (Chehıa), Veronıka Kýdermetova (Reseı) – Vıktorıa Azarenko (Belarýs) ózara synǵa túsedi.
Osy aptada Adelaıdadaǵy dál sondaı jarysta E.Rybakına ekinshi aınalymda reıtıńte 69-satydaǵy ýkraınalyq Marta Kostúkke jol bergen edi.
Bul dodalar Aýstralıa ashyq chempıonaty aldyndaǵy daıyndyq esebinde bolmaq.