Elektr kólikterin óndirýshi BYD elektromobılderde qoldanylatyn birneshe ǵajaıyp tehnologıasyn Yangwang U9 EV sýperkarynda kórsetti. Tusaýkeserde sary U9 kóligi tek úsh dóńgelegimen qozǵala alatynyn kórsetti. Tikeleı efır kezinde U9 kóliktiń aspasyn (podveska) edenge túsirip, qaıtadan kóterý arqyly bı bıleý jáne sekirý qabiletin kórsetti. Qytaılyq tehnologıanyń tańǵajaıybyn SlashGear platformasyna silteme jasap, Aikyn.kz túsindirdi, dep habarlaıdy Almaty-akshamy.kz.
BYD óziniń habarlamasynda U9 jańa ıntellektýaldy DiSus korpýsyn basqarý júıesimen jabdyqtalǵanyn aıtady. Boljam boıynsha, jańa júıe júrgizýshilerge elektr kóliginiń aspa júıesin baqylaýǵa jáne esh qıyndyqsyz júrý bıiktigin óz qalaýy boıynsha kóterýge jáne tómendetýge múmkindik beredi.
Úsh dońǵalaqpen qozǵalý dońǵalaq kenetten jarylyp ketken jaǵdaıda apattan saqtaıtyn ómirlik mańyzy bar fýnksıa dep baǵalanyp otyr. Al bıleıtin kólikke degen suranys jastar tarapynan zor bolýy múmkin.
Sarapshylar qandaı keremet bolsa da BYD kólikteri úshin Amerıka Qurama Shtattarynyń naryǵy jabyq ekeni belgili. Sondyqtan AQSH kompanıalary óz naryǵyndaǵy elektr kólikterin bıletý úshin ǵylymı zertteýler júrgizip, izdenis jasaýy kerek.
Al BYD-tiń jańa aspa júıesi avtomobıldi shynymen-aq sekirte alady. Myna vıdeolardyń siltemesi soǵan dálel:
BYD pres-relızine sáıkes, DiSus júıesi tolyǵymen qytaılyq ınjenerlerdiń tapqan jańalyǵy jáne New Energy Vehicles kólikterinde ornatylýda. Olar DiSus júıesiniń úsh túrli nusqasyn usynady: DiSus-C, kóliktiń dempfıngin (kóliktegi terbelisterdi jasandy túrde basý) basqarýdyń ıntellektýaldy júıesi; DiSus-A, aýa korpýsyn basqarýdyń ıntellektýaldy júıesi; DiSus-P, kólikti ıntellektýaldy gıdravlıkalyq basqarý júıesi.
Júıeniń qalaı jumys isteıtini týraly naqty málimetter qupıa bolyp sanalady. Tanystyrylymda sahnaǵa shyǵarylǵan sary sýperkar U9, BYD DiSus-X júıesi dep ataıtyn júıemen jabdyqtalǵan. DiSus-X korpýsyn basqarý júıesi men U9-nyń ózine arnalǵan tehnıkalyq sıpattamalar áli jarıalanǵan joq.
BYD sonymen qatar DiSus-C júıesi BYD Han, Tang jáne Denza elektr kólikteri úshin symsyz jańartý arqyly qoljetimdi bolatynyn aıtady. DiSus-P gıdravlıkalyq júıesi alǵash ret Yangwang U8 jol talǵamaıtyn kólikte ornatylmaqshy. Qazirgi ýaqytta bul tehnologıany AQSH-qa engizý josparlary belgisiz.