Dańqty boksshy jazda sharshy alańǵa oralady.
Qazaqstandyq Gennadıı Golovkınniń kezekti jekpe-jegi qashan ótetini belgili boldy. Buǵan deıin ol bokstan belgisiz ýaqytqa qol úzip, tipti, múlde ketýi múmkin ekeni aıtylǵan, dep habarlaıdy Almaty-akshamy.kz 24.kz-ke silteme jasap.
Al onyń promoýteri Tom Leffler barlyǵyn joqqa shyǵaryp, Golovkın jazda rınke shyǵatynyn málimdedi. Aıta keteıik, jerlesimiz sońǵy aılarda chempıondyq beldikterinen bas tartyp, álemdik reıtıńten shyǵyp qaldy.
Atap aıtqanda, WBA tujyrymy boıynsha kýbalyq Erıslandı Laramen kezdesýi kerek edi. Tipi, jaýapty uıym ony mindettedi. Biraq, Golovkın promoýterlik saýdaǵa qatyspady. Sáıkesinshe, chempıondyq beldik jekpe-jeksiz Laraǵa berildi. Onyń aldynda brazılıalyq Eskıvo Falkaomen de kezdesýge kelispeı, IBF tujyrymy boıynsha beldigin bosatqan bolatyn. Endi jerlesimizdiń qolynda bir ǵana ataq qaldy. Iaǵnı, ol qazir – IBO tujyrymy boıynsha orta salmaqtaǵy álem úzdigi. Aıta keteıik, Genadıı Golovkın jýyrda 41 jasqa toldy. Búginge deıin kásipqoı rıngte 45 kezdesý ótkizip, 42-sinde jeńiske jetti.