Qytaıda 3D-prınterde ósimdik negizindegi balyq etiniń analogyn basyp shyǵardy. Nátıjesinde basyp shyǵarylǵan ónim tabıǵı sary gorbyl balyǵynyń etine óte uqsas bolyp shyqty, dep habarlaıdy aqshamnews.kz
Chjeszán ýnıversıtetiniń ǵalymdar toby 3D-prınterdi paıdalanyp, sary gorbyl balyǵynyń etin ımıtasıalaıtyn ósimdik negizindegi etti jasady. Zertteý nátıjelerin ǵalymdar KeAi Food Physics jýrnalynda jarıalap, basylǵan ósimdik etiniń tabıǵı gorbyl balyǵynyń etimen 90% uqsas bolǵanyn málimdedi. Bul uqsastyq tek "tekstýralyq sıpattamalarda" ǵana emes, sonymen qatar taǵamdyq qundylyqtarynda da baıqaldy.
Álem boıynsha shamamen 90% balyq resýrstary taýsylý shegine jetken. Sondyqtan ósimdik negizindegi balyq etin óndirý dástúrli balyq aýlaýǵa balama bola alady.
3D-basyp shyǵarý – bul sıfrlyq modelder negizinde kólemdi ónimder jasaý ádisi. Prınter materıaldy qabattap jabystyryp, úsh ólshemdi buıymdar jasaıdy. Bul ádispen kishigirim zattardan bastap, dene múshelerine jáne tipti bútin eldi mekenderge deıin basyp shyǵarýǵa bolady.