Qazaqstan da osyndaı qadamǵa barmaq.
Qytaı qazaqstandyqtar úshin 14 kúnge vızasyz rejım engizý múmkindigin qarastyrýda, dep habarlaıdy Almaty-akshamy.kz
Qazaqstannyń Qytaıdaǵy Elshisi Shahrat Nuryshev QHR-dyń Mádenıet jáne týrızm mınıstri Hý Hepınmen kezdesý ótkizdi.
«Qazaqstandyq taraptyń QHR azamattary úshin 14 kúnge vızasyz rejım engizý boıynsha josparyn eskere otyryp, elshi Beıjińniń Qazaqstan azamattary úshin de osyndaı rejımdi iske qosý máselesin kóterdi», – dep jazylǵan habarlamada.
Taraptar Qazaqstannyń Qytaıdaǵy elshiligi men QHR-dyń Mádenıet jáne týrızm mınıstrligi arasynda, onyń ishinde SHYU, AÓSSHK sheńberinde mádenıet jáne týrızm salasynda is-sharalar ótkizý jáne «Ortalyq Azıa – Qytaı» memleket basshylarynyń onlaın samıtiniń qorytyndysy boıynsha qabyldanǵan sharttardy iske asyrý úshin birlese jumys isteýge kelisti.
Eske sala ketsek, 2022 jyldyń maýsym aıynyń ortasynda QR Mádenıet jáne sport vıse-mınıstri Erjan Erkinbaev Iran, Qytaı, Úndistan azamattary úshin vızasyz rejım engizý boıynsha jumys júrgizilip jatqanyn habarlaǵan bolatyn.