Azamattardy onlaın-qabyldaýdy ótkizýge jol beriledi.
QR İİM ýchaskelik polısıa pýnktiniń jumysyn uıymdastyrýǵa jaýapty ýchaskelik polısıa ınspektorlary men olardyń kómekshileriniń qyzmetin uıymdastyrý qaǵıdalaryn ázirledi, dep habarlaıdy Almaty-akshamy.kz Egemen.kz silteme jasap.
Qujatqa sáıkes, laýazymǵa taǵaıyndalǵan sátten bastap bir aı ishinde ýchaskelik ınspektor óziniń ákimshilik ýchaskesin páterlerdi (aýlalardy) aralap, alynǵan aqparatty ákimshilik ýchaskeniń elektrondyq pasportyna engizýi tıis.
Ýchaskelik ınspektorlardyń azamattardy qabyldaýy ýchaskelik polısıa pýnktinde saǵat 17:00-den 20:00-ge deıin júzege asyrylady, sondaı-aq jumys kúni ishinde azamattardy onlaın-qabyldaýdy ótkizýge jol beriledi.
Ýchaskelik polısıa ınspektory men onyń kómekshisiniń jumys ýaqytynyń uzaqtyǵy QR İshki ister organdarynda qyzmet ótkerý týraly erejege sáıkes belgilenedi, biraq eńbek zańnamasynda belgilengen segiz saǵattan aspaıdy.
Qajet bolǵan jaǵdaıda olar belgilengen ýaqyttan tys, sondaı-aq túngi ýaqytta, demalys jáne mereke kúnderi qyzmettik mindetterin oryndaýǵa tartylýy múmkin.
Ýchaskelik polısıa ınspektorynyń mindetine mynalar kiredi:
Resıdıvti, turmystyq, alkogól qylmysy quqyqbuzýshylyqtarynyń aldyn alý, olarǵa yqpal etetin sebepter men jaǵdaılardy anyqtaý;
İshki ister organdarynda profılaktıkalyq esepte turǵan adamdarǵa qatysty quqyq buzýshylyqtardyń jeke profılaktıkasy;
Senip tapsyrylǵan ákimshilik ýchaskede onyń erekshelikterimen tanysý, halyqpen tyǵyz qarym-qatynas ornatý, azamattarǵa kómek kórsetý jáne quqyqqa qarsy áreketterdiń jolyn kesý arqyly qaýipsizdik pen quqyqtyq tártipti qamtamasyz etý;
Zańnamada belgilengen quzyreti sheginde ákimshilik is júrgizý;
Densaýlyq saqtaý organdaryna, uıymdar men kásiporyndarǵa suraý salý;
İs júrgizýdegi ákimshilik quqyq buzýshylyq týraly ister boıynsha saraptama taǵaıyndaý týraly qaýlylarǵa qol qoıý jáne olardy jiberý;
Polısıanyń keshendi kúshteriniń narádtarymen ózara is-qımyl jasaý.