Shamamen 21 mıllıon adamy bar qalaǵa lokdaýn engizildi.
Chendý qalasynyń bıligi (Sychýan provınsıasynyń ákimshilik ortalyǵy, Ońtústik Batys Qytaı) beısenbide koronavırýstyń órshýine baılanysty qatań lokdaýn engizdi, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Jergilikti ýaqyt boıynsha saǵat 18:00-den bastap turǵyndarǵa úıde bolýǵa keńes beriledi. Bul rette otbasy músheleriniń tek bireýine táýligine bir ret COVID-19-ǵa teris PTR-test bolǵan kezde azyq-túlik alý úshin dalaǵa shyǵýǵa ruqsat etiledi.
Kásiporyndardyń jumys berýshilerine jumysshylardy qashyqtan jumys isteýge aýystyrý usynyldy. Tek aýylsharýashylyq bazarlary, qajetti taýarlary bar dúkender, dárihanalar men aýrýhanalar ashyq bolady. Qoǵamdyq kólik qozǵalysy qysqartylady.
Beısenbiden bastap Chendý qalasynyń barlyq turǵyndaryn jappaı PTR testileý naýqany bastaldy, onyń halqy shamamen 21 mıllıon adamdy quraıdy.