Konsert Almatyda Qala kúnin merekeleý aıasynda ótedi.
Almatylyqtar 4 qyrkúıek kúni Ýálıhanov atyndaǵy Shoqan saıabaqta, qazaqstandyq mýzykalyq sahnadaǵy erekshe kollaborasıalardyń biri – «Otyrar Sazy» fólklorlyq-etnografıalyq orkestri men iFly etno-elektrondyq tobyn tyńdaı alady, dep habarlaıdy Almaty-akshamy.kz
OTYRAR SAZY & fly jobasy qazaq halyq aspaptarynyń dybystalýyn, elektrondyq mýzyka men beıne shoýdy biriktiretin, orkestr solıseri – dombyrashy Danıar Baıjumanov pen mýltınstrýmentalıst Gaýhar Jumaǵulovanyń oryndaýymen, sondaı-aq skrıpkashy Jamıla Serkebaevanyń birneshe kompozısıasymen tolyqtyrylǵan biregeı baǵdarlamasyn usynady. Qala turǵyndary men qonaqtary ózderine tanys ánderdi, sondaı-aq osy konsert úshin arnaıy jazylǵan partıtýralardy «Jelsiz túnde jaryq aı» (Abaı), «Bıpyl» (halyq áni), «Aqan Seri» (Mánmańger), «Qamajaı» (solıs Jámıla Serkebaeva) sıaqty shyǵarmalarda tyńdaı alady.
«Jobanyń mindeti – dástúrli kompozısıalardyń jańarǵan dybysy arqyly jas qazaqstandyqtardy halyq shyǵarmashylyǵyna, al sheteldik tyńdaýshylardy Qazaqstannyń shyǵarmashylyǵy men mádenı murasyna tartý», — dep atap ótti N.Tilendıev atyndaǵy «Otyrar Sazy» Akademıalyq fólklorlyq – etnografıalyq orkestriniń dırıjeri Dinzýhra Tilendıeva.
İs-sharany Almaty qalasynyń ákimdigi «Forte Bank» AQ, Mikhail Kravets dızaıneri, Movators komýnıkasıalyq agenttigi jáne IZImobile sıfrlyq mobıldik operatorynyń qoldaýymen uıymdastyrdy.
Konsert Qazaqstan Respýblıkasy Ulttyq Ǵylym akademıasynyń aldyndaǵy alańda Shoqan Ýálıhanov atyndaǵy saıabaqta ótedi, (Shevchenko kóshesi, 28, Qonaev kóshesiniń qıylysy).
İs-sharaǵa kirý tegin.
Keste:
18:00 – DJ AIDAR (Cosmic Picnic)
20:00 – OTYRAR SAZY & iFLY
OTYRAR SAZY & iFLY: dybys erekshelikteri
«Baǵdarlama barynsha shynaıy dástúrli dybystalýdaǵy shyǵarmalardan, sondaı-aq zamanaýı, keıde avangardtyq oıyn tásilderi men áýezdi qımyldardy qoldanatyn joba úshin arnaıy jazylǵan partıtýralardan turady. Konsert barysynda orkestrdiń ár aspabynda aldyńǵy qatarda jeke oryndalatyn partıa paıda bolady, bul kórermenderge buryn - sońdy estimegen tembrlermen jaqynyraq tanysýǵa múmkindik beredi», - dep túsindirdi Almaty qalasynyń mádenıet basqarmasy.
Esterińizge sala keteıik, alǵash ret «Otyrar Sazy» men «iFLY» elektrondy aranjırovkalarmen tolyqtyrylǵan qazaq halyq ánderiniń baǵdarlamasyn EXPO-2017 kórmesinde birlesip oınady, onda «Bir bala», «Qusnı Qorlan», «Iapýraı», «Qustar áni» halyq kompozısıalarynyń premerasy keremet jetistikpen ótti. Qazaqstandyqtardyń jas urpaǵy úshin halyq shyǵarmalary zamanaýı yrǵaqtarmen shyrqaldy.
2019 jyldyń maýsym aıynda Gorkıı atyndaǵy saıabaqta «Shabyt» jazǵy amfıteatrynda kórermenderge alǵash ret 1 saǵat 20 mınýtqa jaryq jáne beıne shoýmen tolyq konserttik baǵdarlama usynyldy.
2021 jylǵy jeltoqsanda EXPO DUBAI 2020 búkilálemdik kórmesinde OTYRAR SAZY & iFLY jobasy sheteldik kórermenderge qazaq mýzykasynyń san alýan dybysyn kórsete otyryp, bir jarym saǵattyq shoýdy úlken jetistikpen usyndy.