Qytaıdyń Sıan qalasynda «Qytaı-Ortalyq Azıa» samıti óz jumysyn bastady, dep habarlaıdy Almaty-akshamy.kz BAQ.KZ-ke silteme jasap.
Búgin «Qytaı-Ortalyq Azıa» samıtiniń negizgi is-sharalary ótedi.
Samıtke Qazaqstan Prezıdenti Qasym-Jomart Toqaev, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon jáne Túrkimenstan Prezıdenti Serdar Berdimuhamedov qatysyp jatyr. Jıynǵa QHR tóraǵasy Sı Szınpın tóraǵalyq etýde.
17 mamyr kúni Memleket basshysy Qasym-Jomart Toqaev QHR Tóraǵasy Sı Szınpınniń shaqyrýymen Qytaıǵa memlekettik saparmen kelgen bolatyn.
Toqaev pen Sı kelissózder júrgizip, birlesken málimdemege qol qoıdy. Sonymen qatar Memleket basshylarynyń qatysýymen eki el 18 qujatqa qol qoıdy.