Qarsylastar kelmeı qaldy
Qazaqstandyq Andreı Golýbev juptyq synda Italıada ótip jatqan Týrın chellendjer týrnıriniń jartylaı fınalyna shyqty, dep habarlaıdy Almaty-akshamy.kz.
Qazaqstandyq tenısshi ýkraınalyq Denıs Molchanovpen birge shırek fınalda argentınalyq Sebastán Baes – brazılıalyq Tágo Ýaıldpen kezdesýi kerek edi.
Alaıda qarsylastary kelmeı qaldy da, A.Golýbev pen D.Molchanov oınamastan jartylaı fınalǵa joldama aldy.
Sonymen qatar osy dodada Aleksandr Nedovesov serbıalyq Nıkola Kachıchpen birge bastapqy básekesin sátti ótkizdi. Olar ıtalıalyqtar Flavıo Kobollı – Djýlıo Zeppıerıdi 5:7, 7:6 (7:4), 10:6 esebimen tize búktirdi, dep jazdy QazAqparat.
Jarystyń 4-raketkasy bolyp tirkelgen A.Nedovesov pen N.Kachıch jartylaı fınalǵa shyǵý úshin rýmynıalyq Vlad Vıktor Korná – venesýelalyq Lýıs-Davıd Martınespen talasady.
Qos qazaqstandyq tenısshi aldaǵy qarsylastaryn utsa, fınalda ǵana kezdesýi múmkin.
Taǵy bir qazaqstandyq Grıgorıı Lomakın horvatıalyq Zvonımır Babıchpen birge Portýgalıada ótip jatqan Oeırash chellendjer týrnıriniń jartylaı fınalyna shyǵa almady. Olar shırek fınalda portýgalıalyqtar Djeımı Farıa – Enrıke Roshadan jeńilis tapty – 1:6, 4:6.