Jańa ákimder taǵaıyndaýy.
Kadr máseleleri jónindegi keńes barysynda Almaty ákimi Erbolat Dosaev QR Prezıdenti Ákimshiliginiń jáne Almaty qalasy máslıhatynyń kelisimi boıynsha qala ákiminiń ókimimen laýazymdarǵa taǵaıyndalǵan aýdandardyń jańa ákimderin ujymǵa tanystyrdy, dep habarlaıdy Almaty-akshamy.kz
Naýryzbaı aýdanynyń ákimi bolyp Nazıra Toǵyzbaeva taǵaıyndaldy, ol 2021 jyldyń qańtar aıynan bastap jumyspen qamtý jáne áleýmettik baǵdarlamalar basqarmasynyń basshysy bolyp jumys istedi.
TOǴYZBAEVA NAZIRA ASYLBEKQYZY
Ekonomıka ǵylymdarynyń kandıdaty. Qyzylorda oblysynyń týmasy. Turmysta, balalary bar.
ál-Farabı atyndaǵy Qazaq ulttyq ýnıversıtetin jáne Qazaq gýmanıtarlyq-zań ýnıversıtetin bitirgen.
Eńbek jolyn 1998 jyly Qyzylorda qalasy ákiminiń apparatynda maman bolyp bastaǵan.
Ár jyldary ártúrli basshylyq laýazymdarda boldy, onyń ishinde Almaty qalasy qoǵamdyq damý basqarmasy basshysynyń orynbasary, Almaty qalasy ákiminiń bas ınspektory — Almaty qalasy ákimi janyndaǵy áıelder isteri jáne otbasylyq-demografıalyq saıasat jónindegi qalalyq komısıanyń qyzmetine jetekshisi, Almatydaǵy salynyp jatqan metropolıten dıreksıasy bóliminiń bastyǵy, jeke halyqaralyq kompanıalarda qarjy dırektory.
Naýryzbaı aýdanynyń ákimi laýazymyna taǵaıyndalǵanǵa deıin 2020 jyldan bastap Almaty qalasynyń jumyspen qamtý jáne áleýmettik baǵdarlamalar basqarmasyn basqardy.
«Eren eńbegi úshin» medaliniń ıegeri.
Áýezov aýdanynyń ákimi qyzmetine Abzal Egemberdıev taǵaıyndaldy. 2022 jyldyń tamyz aıynan bastap A. Egemberdıev qalanyń memlekettik aktıvter basqarmasyn basqardy.
EGEMBERDIEV ABZAL QÝANDYQULY
2000 jyly Abzal Egemberdıev Qazaq memlekettik zań akademıasyn, 2006 jyly T.Rysqulov atyndaǵy QazEÝ ekonomıka jáne qarjy ınstıtýtyn, 2014 jyly Qazaq bas sáýlet – qurylys akademıasyn bitirgen, ekonomıka ǵylymdarynyń magıstri.
Eńbek jolyn 2001 jyldan 2003 jylǵa deıin Atyraý oblysynyń prokýratýra organdarynda prokýror bolyp bastaǵan.
Ár jyldary Astana qalasy ákiminiń apparatynda jumys istedi, Stepnogorsk qalasy ákimi apparatynyń basshysy; bólim bastyǵy, Almaly aýdany ákimi apparatynyń basshysy; Almaty qalasy Medeý aýdany ákiminiń orynbasary; Astana qalasy ákimi apparatynyń basshysy, Esil aýdany ákiminiń orynbasary; Astana qalasy tabıǵı resýrstar jáne tabıǵat paıdalanýdy retteý basqarmasy bastyǵynyń orynbasary qyzmetterin atqardy. Astana qalasy boıynsha ekologıa departamentin basqardy, jeke qurylymdarda basshylyq qyzmetter atqardy.
Bostandyq aýdanynyń ákimi Sandjar Alın boldy. Taǵaıyndalǵanǵa deıin ol energetıka jáne sýmen jabdyqtaý basqarmasynyń basshysy qyzmetin atqardy.
ALIN SANDJAR MEŃDİBAIULY
Alın Sandjar Meńdibaıuly 1984 jyly 30 tamyzda Almaty qalasynda týǵan.
2007 jyly Regents Business College-di "halyqaralyq marketıń" mamandyǵy boıynsha bitirdi, 2009 jyly The University of Winchester-de MVA dárejesin aldy, 2015 jyly D.A. Qonaev atyndaǵy kólik jáne quqyq gýmanıtarlyq ýnıversıtetin bitirdi.
Eńbek jolyn Alın Sandjar Meńdibaıuly "Qazaqstandyq telekomýnıkasıalar ("Katelko Plús") JAQ-da klıenttermen jumys jónindegi menedjer, tehnıkalyq keńesshi qyzmetinen bastaǵan.
Ár jyldary jeke qurylymdarda basshylyq qyzmetter atqardy. Satý jáne marketıń, qarjy qurylymdary, qurylys, energetıka jáne kvazımemlekettik sektor salasynda, sondaı-aq memlekettik qyzmette jumys tájirıbesi bar, Almaty qalasynyń energıa tıimdiligi jáne ınfraqurylymdyq damý basqarmasynda energıa tıimdiligi jáne energıa únemdeýdi arttyrý bóliminiń basshysy qyzmetin atqardy.
Bostandyq aýdanynyń ákimi laýazymyna taǵaıyndalǵanǵa deıin 2022 jylǵy sáýirden 2023 jylǵy mamyrǵa deıin Almaty qalasynyń energetıka jáne sýmen jabdyqtaý basqarmasyn basqardy
Almaly aýdanyn Aıdar Jaqybaev basqarady. 2023 jyldyń qańtar aıynan bastap Almaty qalasy ákimi apparaty basshysynyń mindetin atqarýshy boldy.
JAQYBAEV AIDAR ERBOLATULY
Jaqybaev Aıdar Erbolatuly 1988 jyly 14 qyrkúıekte Shyǵys Qazaqstan oblysy, Óskemen qalasynda týǵan. 2011 jyly Boston University (AQSH) "ınjenerıa bakalavry"mamandyǵy boıynsha bitirgen.
Eńbek jolyn 2011 jyly jeke sektorda bastaǵan. Ár jyldary "KPMG Taks end Edvaızorı" AQ, Astana q., QR Ulttyq ekonomıka mınıstrliginde, QR Premer-Mınıstriniń Keńsesinde, QR Ulttyq bankinde jumys istedi, QR Ulttyq Bank Tóraǵasy apparaty departamenti dırektorynyń orynbasary, Almaty qalasy ákiminiń keńesshisi, Almaty qalasy ákimi apparaty basshysynyń orynbasary qyzmetterin atqardy.
Almaly aýdany ákimi laýazymyna taǵaıyndalǵanǵa deıin 2023 jyldyń qańtar-mamyr aılary aralyǵynda Almaty qalasy ákimi apparaty basshysynyń m.a. boldy.
