Qytaı Ortalyq Azıaǵa jańa mýltımodaldy baǵyt boıynsha avtokólikterdi jetkize bastady.
Qytaı bıligi Ortalyq Azıaǵa jańa mýltımodaldy baǵyt boıynsha jeńil avtokólikterdi jetkizýdi bastady. Qytaı avtokólikteri tıelgen alǵashqy júk poıyzy Shyńjań-Uıǵyr avtonomıalyq aýdanynyń ortalyǵy Úrimjiden jolǵa attandy. Ol «Qorǵas» jáne «Altynkól» shekara beketteri arqyly ótip, kólikterdi Almatyǵa jetkizedi, dep habarlaıdy aqshamnews.kz.
Quramǵa quny 27 mıllıon ıýánnan asatyn, 3,8 mıllıon dollardan asatyn 261 jeńil avtokólik tıelgen. Poıyz Qytaıdy Qazaqstanmen jáne Ortalyq Azıanyń basqa elderimen baılanystyratyn jańa jetkizý baǵytynyń alǵashqysy bolyp otyr.
Jańa mýltımodaldy baǵyt aldaǵy ýaqytta belsendi túrde qoldanylatyn bolady. Aldyn ala málimet boıynsha, jyl sońyna deıin Qytaıdan aımaq elderine 15 myńnan astam avtokólikti tasymaldaý josparlanýda. Bılik bul baǵyt avtomobıl jetkizý kólemin aıtarlyqtaı arttyrýǵa kómektesedi dep kútedi.
2024 jyldyń basynan beri Qorǵas pen Alashańqaı arqyly 83 781 kólik tasymaldanǵan. Bul ótken jyldyń sáıkes kezeńimen salystyrǵanda 2,9 paıyzǵa artyq. Paıyzdyq kórsetkishte ósim 2361 avtokólikti qurady.
Sarapshylar avtomobıl jetkizilimderiniń ósýi Ortalyq Azıa elderinde qytaılyq avtokólikterge suranystyń artýyna baılanysty ekenin aıtady.