Ekinshi toqsannyń aıaqtalýyna sanaýly kúnder qaldy.
Qysqy kanıkýl kezeńi 2024 jyldyń 30-jeltoqsany men 2025 jyldyń 8-qańtaryn qosa alǵanda on kúnge sozylady, dep habarlaıdy aqshamnews.kz Oqý-aǵartý mınıstrliginiń baspasóz qyzmetine silteme jasap.
Mektep oqýshylarynyń qysqy demalystaǵy bos ýaqytyn tıimdi ótkizý jáne jeke tulǵalyq qasıetterin damytý maqsatynda «Birtutas tárbıe» baǵdarlamasy aıasynda is-sharalar jospary jasaldy. Ol boıynsha mektepterde birqatar bilim berý, sporttyq, mádenı jáne shyǵarmashylyq is-sharalar ótkizý josparlanǵan:
• «Oqýǵa qushtar mektep» jobasyn iske asyrý aıasynda «Qysta kitap oqımyz, jadymyzǵa toqımyz» mektepishilik is-sharasy;
• teatr festıválderi men qoıylymdary;
• jańa jyldyq áshekeıler jasaý boıynsha sheberlik sabaqtary;
• qaýipsizdik sabaqtary;
• murajaılarǵa, ǵylymı ortalyqtarǵa jáne tarıhı eskertkishterge tanymdyq ekskýrsıalar;
• sporttyq oıyndar, kónkı, shańǵy tebý;
• qaıyrymdylyq aksıalary jáne basqa da sharalar.
Eń bastysy - balalardyń qaýipsizdigin qamtamasyz etý. Osy maqsatta ata-analarmen birge jol-kólik jaraqattarynyń aldyn alýǵa, mekteptiń ishki tártibin saqtaýǵa, balalardyń kóshedegi qaýipsizdigine, úıdegi órt qaýipsizdigi jáne kıberqaýipsizdikke erekshe nazar aýdarylady.
Aıta keteıik, bul is-sharalar bilim berý uıymdaryna ádistemelik usynym retinde joldanady.