Mádenıet jáne aqparat mınıstrligi 2024 jyl qorytyndylaryn shyǵarýda. Búgin mınıstrlik otbasy jáne genderlik saıasat salasyndaǵy qyzmet nátıjelerin usyndy.
2024 jyldyń eń mańyzdy oqıǵalarynyń biri – «Otbasylyq-turmystyq zorlyq-zombylyq týraly» Zańnyń qabyldanýy. Jańa redaksıa áıelder men balalarǵa qatysty zorlyq-zombylyqqa jazany qatańdatyp, otbasylyq-turmystyq saladaǵy quqyq buzýshylyqtardy krımınalızasıalady, dep habarlaıdy aqshamnews.kz mınıstrlikke silteme jasap.
Mınıstrlik İİM, EHÁQM, DSM jáne basqa memlekettik organdarmen birlesip aldyn alý jumystaryn júrgizýde. Óńirlerde qıyn ómirlik jaǵdaıǵa tap bolǵan otbasylardy erte anyqtaý boıynsha mobıldi toptar quryldy.
Sonymen qatar, jańa zań aıasynda Mádenıet jáne aqparat mınıstrligi otbasyn qoldaý ortalyqtarynyń qyzmetin úılestirip, ádistemelik basshylyq jasaýda. Qazirgi tańda elde 43 otbasyn qoldaý ortalyǵy jumys isteıdi jáne qıyn ómirlik jaǵdaıǵa tap bolǵan otbasylardy erte anyqtaý úshin mobıldi qosymsha synaqtan ótkizilýde.
Mınıstrlik qazaqstandyqtardyń arasynda adamgershilik jáne otbasylyq qundylyqtardy nyǵaıtý boıynsha jumysyn jalǵastyrýda. 2025-2027 jyldarǵa arnalǵan otbasyn jáne nekeni saqtaý men nyǵaıtý jónindegi is-sharalar jospary ázirlenip, qabyldandy. Bul jospar ajyrasýdyń aldyn alýǵa jáne otbasylyq ómirge sanaly daıyndyq deńgeıin arttyrýǵa baǵyttalǵan.
Jyl saıyn «Mereıli otbasy» ulttyq baıqaýy ótkiziledi. 11 jyl ishinde oǵan Qazaqstannyń barlyq óńirlerinen 20 myńnan astam otbasy qatysty.
2-8 qyrkúıek aralyǵynda Otbasy kúnine arnalǵan aptalyq ótti. Onyń aıasynda 2 myńnan astam is-shara uıymdastyrylyp, oǵan 300 myńnan astam adam qamtyldy.
2024 jylǵy Joldaýynda Memleket basshysy sanaly ata-ana bolýdyń mańyzdylyǵyn atap ótip, balalar tárbıesine erekshe nazar aýdarýǵa shaqyrdy. Osyǵan baılanysty, mınıstrlik jáne «Ákeler odaǵy» respýblıkalyq qoǵamdyq birlestigi «Tárbıe – tal besikten» IX Respýblıkalyq ákeler forýmyn ótkizdi. Forýmǵa 200-den astam qatysýshy – sarapshylar, úlgili ákeler, belsendi azamattar, pedagogter jáne bilim berý mekemeleriniń basshylary jınaldy.
Mınıstrlik «Balalar men jastardy tárbıeleý: memleket, qoǵam jáne otbasy birlese áreket etýde» atty halyqaralyq konferensıa uıymdastyrdy. Konferensıa qorytyndysy boıynsha rezolúsıa qabyldandy.
Genderlik saıasatty iske asyrý aıasynda genderlik teńdikti nyǵaıtý jáne áıelderge qatysty kemsitýshilikti joıý boıynsha jumys jalǵasýda.
Áıelder men qyzdardyń kóshbasshylyq áleýetin jáne saıası belsendiligin arttyrý maqsatynda «Tomırıs» aqparattyq-bilim berý baǵdarlamasy boıynsha oqytý jalǵasýda. Bıyl shamamen 500 áıel qamtyldy.
Halyqaralyq genderlik kún tártibin iske asyrý aıasynda aýqymdy jumys atqarylýda. Bıyl BUU-nyń 1325-rezolúsıalaryn iske asyrý jónindegi is-sharalardyń ulttyq jospary jańartyldy. Bul josparǵa 34 is-shara engizildi jáne ol sarapshylar men dıplomatıalyq korpýs tarapynan joǵary baǵalandy.
Sondaı-aq, eldiń 19 óńirinde azamattyq qoǵam, sarapshylar jáne bıznes qaýymdastyǵy ókilderiniń arasynan ákimderdiń shtattan tys genderlik teńdik jónindegi keńesshileri taǵaıyndaldy.
Budan bólek, bıyl Erler men áıelderdiń teń quqyqtary men múmkindikterin qamtamasyz etý jónindegi QR Úkimetiniń is-qımyl jospary qabyldandy