Almatyda qar tazalaý úshin 818 birlik arnaıy tehnıka jumyldyrylady
«Qazgıdromet» RMK boljaýynsha, Almaty qalasynda 9 jeltoqsannan bastap, sonymen qatar, jeltoqsannyń ekinshi jáne úshinshi onkúndiginde aýa-raıy buzylady: jeldiń kúsheıedi, -18 gradýsqa deıin sýytady, qar jaýady. Joldar men trotýarlarda kóktaıǵaq bolýy múmkin, dep habarlaıdy almaty-akshamy.kz
Jolda muz qatýy múmkin, osyǵan baılanysty júrgizýshilerdi óte muqıat bolýǵa, qaýipsiz qashyqtyqty, búıirlik aralyqty saqtaýǵa, qolaısyz aýa-raıyn eskere otyryp, jyldamdyqty asyrmaýǵa, shuǵyl manevr jasamaýǵa jáne kúrt tejemeýge, jol erejesin qatań oryndaýǵa shaqyramyz. Jaıaý júrginshiler jolda qaýipsiz júris-turys normasyn saqtaýy kerek, múmkindiginshe qyraǵy bolýy kerek, júrgizýshi sizdi kórip, ótkizip jibergenine kóz jetkizip júrińiz, kólik quralynyń tejegish joly dymqyl bolǵanda, ásirese kóktaıǵaq jaǵdaıynda aıtarlyqtaı ósetinin umytpańyz.
Komýnaldyq qyzmetterdiń kóktaıǵaqqa qarsy jumystardy jedel jáne sapaly júrgizýin qamtamasyz etý maqsatynda avtokólik ıelerinen múmkindiginshe qala boıynsha qozǵalysty shekteýdi, avtokólikti jol jıegine qoımaýdy suraımyz.
Qysqy kezeńge daıyndyq maqsatynda Almaty qalasynyń komýnaldyq ınfraqurylymdy damytý basqarmasy 818 birlik tehnıka men 1 240 jumysshy tartty. Qar jaýǵan kezde jolǵa kóktaıǵaqqa qarsy materıaldar, joldardy tazartý, qar úıindilerin alyp tastaý, avtobýs aıaldamalaryn, trotýarlar men qoǵamdyq paıdalaný oryndaryn qar men muzdan ýaqytyly tazartý jumystary júrgiziledi.
Qalada kósheni taza ustaý SHJQ «Almaty Tazalyq» MKK qyzmetkerlerimen, sonymen birge 9 merdiger uıymnyń kúshimen qamtamasyz etiledi. Aýla aýmaqtaryn jınaý úshin 45 merdiger uıym jumyldyrylady.
Arnaıy tehnıka kelesideı bólinedi.
«Almaty Tazalyq» MKK - 619 birlik:
1). Almaly aýdany – 120 birlik.
2). Áýezov aýdany – 62 birlik.
3). Bostandyq aýdany – 116 birlik.
4). Jetisý aýdany – 87 birlik.
5). Medeý aýdany – 128 birlik.
6). Naýryzbaı aýdany – 39 birlik.
7). Túrksib aýdany – 67 birlik.
Merdigerlik uıymdar – 199 birlik:
1). «Starveı Veı SK» JSHS (Alataý aýdany) - 18 birlik.
2). «Altyn Tazalyq» JSHS (Alataý aýdany) - 31 birlik.
3). «Qazaq Sý Arnasy Jobasy» JSHS
(Alataý aýdany) - 22 birlik.
4). «Taza Álem XXI» JSHS (Áýezov aýdany) - 6 birlik.
5). «Hasen Tas Jol» JSHS (Áýezov aýdany) - 8 birlik.
6). «Gaumer A-Stroy» JSHS (Jetisý, Túrksib aýdandary) - 58 birlik.
7). «ABS LD-Stroı» JSHS (Jetisý aýdany) - 12 birlik.
8). «Stamp Service» JSHS (Naýryzbaı aýdany) - 31 birlik.
9). «Aláns Grýpp» JSHS (Naýryzbaı aýdany) - 13 birlik.
Qazirgi ýaqytta kóktaıǵaqqa qarsy materıaldar qajetti mólsherde daıyndaldy – 26 myń tonna tuz, 50 myń tonna qospa. Bıyl joldaǵy taıǵanaýdy joıý maqsatynda 2022 jyly sátti engizilgen boschungfullwet suıyq reagentterin qoldaný tehnologıasy qoldanylady. Suıyq reagent daıyndalatyn tuzeritkishter Almaly (18 m3) jáne Medeý (100 m3) aýdandarynda ornalasqan.
Kirý toptaryn, baspaldaqtar men túsýlerdi, jaıaý júrginshiler joldaryn, kóshe joldary men trotýarlardy jınaý boıynsha jumystar belgili tártippen oryndalatyn bolady. Ári qaraı-konteınerlik alańdarǵa kireberister, ótkelder men avtoturaqtar, balalar jáne sport alańdary.
Almatyda jınalatyn aýmaqtyń jalpy kólemi 25 mln. m2, onyń ishinde 2 698 km kóshe, 1 304 km trotýar, 1 167 km aryq, 3 339 aýla aýmaǵy.
Anyqtama:
2023 jyly «Almaty Tazalyq» MKK 101 birlik jańa tehnıka satyp alyndy, onyń ishinde;
DULEVO 6000 konveıerlik-vakýýmdyq jınaý mashınasy - 5 birlik
Pony R-4 ámbebap trotýar-jınaý mashınalary (qys-jaz jıyntyqtary) dızel otynymen -6 birlik
Pony R-4 ámbebap trotýar-jınaý mashınalary (qys-jaz jıyntyqtary) elektr tartqyshy-3 birlik
Pony R-4 ámbebap trotýar-jınaý mashınalary (qys-jaz jıyntyqtary) elektr tartqyshy-3 birlik
5 tn deıin samosval-10 birlik
Qoqys tasýshy, V=3 m3-5 birlik
FAW shasıindegi aralas jol mashınasy-31 birlik
KAMAZ – 3 birlik shasıinde PGM ylǵaldandyratyn aralas jol mashınasy
Maz 244 shasıindegi aralas jol mashınasy-3 birlik
10 tn deıin manıpýlátor - 1 birlik
Trotýarlar men jaıaý júrginshiler aımaqtaryn jınaýǵa arnalǵan traktor-5 birlik
Qoqys tasýshy V= 20 m3-4 birlik
Elektr sypyrǵysh-vakýýmdyq mashına-8 birlik
Ózdiginen júretin uńǵymalarǵa arnalǵan jol frezerleri-10 birlik
Elektr sypyrǵysh-vakýýmdyq mashına-4 birlik