Prokýratýra 400-den astam adamǵa qatysty zańbuzýshylyqtyń betin ashty.
Almatyda júıke aýrýyna shaldyqqandardyń páterin tartyp alǵandar anyqtaldy, dep habarlaıdy Almaty-akshamy.kz
Medeý aýdany prokýratýrasy júrgizgen taldaýdyń nátıjesinde basqa da aýrýdan zardap shegetin 423 adam anyqtaldy, olarǵa jyldar boıy qamqorshy taǵaıyndalmaǵan.
«Mysaly, M. degen azamatty 2001 jyly sot áreketke qabiletsiz dep tanyǵan. Onyń zańdy ókili tek 2022 jyly, ıaǵnı 20 jyldan astam ýaqyttan keıin ǵana belgilengen. Osyǵan uqsas azamat O. qamqorshysy 18 jyl ótkennen keıin, I. degen azamatqa 10 jyldan keıin, azamat A-ǵa 9 jyldan keıin taǵaıyndalǵan», - delingen qalalyq prokýratýra taratqan habarlamada.
Tek taldaý kezinde ǵana zańdy ókilderi bolmaǵan 110 adam anyqtaldy.
Kórsetilgender olardyń týystarynyń óz is-áreketterine esep bere almaıtyn jáne óz quqyqtaryn óz betinshe qorǵaı almaıtyn adamdardyń densaýlyǵy men múlkine tolyqqandy qamqorlyq jasaı almaıtyn zańdy is-áreketter jasaı almaýyna ákep soqqan. Mundaı jaǵdaı sottardyń sheshimderdi oryndaýǵa ýaqtyly jibermeýinen jáne qorǵanshy jáne qamqorshy organnyń tarapynan baqylaýdyń bolmaýynan týyndaǵan.
«Prokýrorlar sondaı-aq ýákiletti organ 47 áreketke qabiletsiz adamnyń múlkine tyıym salmaǵanyn anyqtady. Sondaı-aq ýaqytynda tyıym salynbaǵannyń kesirinen, esi durys emes R-dyń jalǵyz páterin bógde adamdarǵa ósıet jasaý arqyly tartyp alý áreketine ákep soqqan», - dedi vedomstvo ókilderi.
Almaly aýdany prokýratýrasynyń talap-aryzy boıynsha zańsyz ósıet jaramsyz dep tanylyp, áreketke qabiletsiz R. qalanyń áleýmettik nysandarynyń birine ornalastyryldy.
Medeý aýdany prokýratýrasynyń usynysy boıynsha qorǵanshy jáne qamqorshy organdardyń 7 laýazymdy tulǵasy jibergen zańbuzýshylyq úshin tártiptik jaýaptylyqqa tartylyp, buzýshylyqtardy joıý jóninde sharalar qabyldandy.