Almatydaǵy alǵashqy qar jaýǵan kezde dóńgelekterin «qysqyǵa aýystyrmaǵan» kólik ıeleri apatqa jıi ushyrady
Óńirlik komýnıkasıalar qyzmetiniń brıfıńinde Almaty qalasynyń PD Ákimshilik polısıa basqarmasy basshysynyń orynbasary Bolatbek Baıatanov avtokólik ıelerin aýa raıynyń qubylýyna qaraı, jolda barynsha abaı bolýǵa shaqyrady. Mundaı eskertýler jaıaý júrginshilerge qatysty, dep habarlaıdy Almaty-akshamy.kz.
Polısıa qyzmetkeri Almatynyń kúrt klımattyq aımaqta ekenin eske saldy. Bizdiń qala aýa temperatýrasynyń kúrt ózgerýimen erekshelenedi.
«Bizde kúndiz aýa temperatýrasy 10 gradýs Selsııdi kórsetse, túnde 0 gradýstan tómen túsedi. Osyǵan baılanysty tańǵy jáne keshki ýaqytta jol ústi qatqaq bolyp jatady. Avtomektepterde, ádette, osyndaı kezde kólik júrgizýdi úıretedi. Mundaı jaǵdaıda jyldamdyqtyń kenetten ózgerýin boldyrmaý, kólik quralyn birqalypty basqarý kerek. Oǵan qosa, júrip bara jatqan kólikter arasyndaǵy qashyqtyqty ulǵaıtý kerek», – dedi Bolatbek Baıatanov.
Qys maýysymynda júrgizýshiler kóliginiń tehnıkalyq kúıine erterek nazar aýdaryp, dóńglekterin qysqy rezınaǵa aýystyrý, jaryq, áınekti tazartý, elektr symdar júıesi, akýmýlátor qýatynnyń jumysyn tekserip alǵandary jón.
«Aýa temperatýrasy tómendegende, jazǵy dóńgelektermen júrý óte qaýipti bolady, taıǵanaý áseri paıda bolady, kólik syrǵanap, toqtaı almaı qalady. Qozǵaltqyshtan shyǵaryp qoıý da qaýipti, óıtkeni mundaı kezde jol-kólik oqıǵasy qaýpi arta túsedi. Qarasha aıynda qar túrindegi alǵashqy jaýyn-shashyn túsip, odan keıin jol-kólik oqıǵalarynyń sany artty. Negizinen mundaı jaǵdaıǵa kólikterin qysqy dóńgelekke aýystyrmaǵan júrgizýshiler tap bolady», - dedi polısıa polkovnıgi.
Tártip saqshysy kúntizbelik qysty kútýdiń qajeti joq ekenin jáne kólik rezeńkesin qazirden bastap aýystyrý kerektigin atap ótti. Óıtkeni, Jol júrý erejesiniń «Jol qozǵalysy qaýipsizdigine jáne qorshaǵan ortaǵa qaýip tóndiretin kólik quraldaryn paıdalanýǵa tyıym salynǵan aqaýlar men jaǵdaılardyń tizbesi» 5-bóliginiń 590-babyna sáıkes 5 AEK mólsherinde aıyppul salý qarastyrylǵan. Bul erejeni elemegen júrgizýshiler aıyppul tóleıdi.
ÓKQ brıfıńinde Bolatbek Baıatanov 2022 jyldyń basynan beri Almaty qalasynda 3073 JKO tirkelgenin, onyń saldarynan 81 adam qaza taýyp, taǵy 3496 adam túrli dene jaraqattaryn alǵanyn aıtty. Ótken jyldyń sáıkes kezeńimen salystyrǵanda jol-kólik oqıǵalary 21,5%-ǵa, qaza tapqandar 20%-ǵa, jaraqat alǵandar 18%-ǵa ósken.
«Jol-kólik oqıǵalarynyń aldyn alý maqsatynda Polısıa departamendi keshendi túrde «Abaılańyz, balalar», «Qaýipsiz jol», «Avtobýs», «Quqyqtyq tártip» profılaktıkalyq sharalary ótedi», - dep tizip shyqty polısıa qyzmetkeri.