Buıryq 2022 jylǵy 22 qarashadan bastap kúshine enedi.
Atap aıtqanda, erekshe qorǵalatyn tabıǵı aýmaqtarda áýesqoı (sporttyq) ańshylyqqa tyıym salý engizildi, dep habarlaıdy Almaty-akshamy.kz
Ekologıa, geologıa jáne tabıǵı resýrstar mınıstriniń 2022 jylǵy 4 qarashadaǵy buıryǵymen jeke tulǵalardyń erekshe qorǵalatyn tabıǵı aýmaqtardy paıdalaný qaǵıdalaryna ózgerister men tolyqtyrýlar engizildi.
Degenmen mundaı aımaqtarda ruqsat etiledi:
áýesqoı (sporttyq) balyq aýlaý;
qoryqtyń kúzet rejımi bar oryndaryn qospaǵanda, osy úshin arnaıy bólingen jerlerde jabaıy jemisterdi, jıdekterdi, sańyraýqulaqtardy, dári-dármektik shópterdi áýesqoılyq maqsatta jınaý, ara uıalary men omartalar ornalastyrý, maral ósirý, baq sharýashylyǵy;
arnaıy bólingen ýchaskelerde shóp shabý men mal jaıý maqsattarynda jol beriledi.
Bul rette, memlekettik ulttyq tabıǵı parkter men memlekettik óńirlik tabıǵı parkterdiń shektelgen sharýashylyq jáne týrısik-rekreasıalyq qyzmeti aımaqtarynda jáne memlekettik tabıǵı rezervattardyń býferlik aımaǵynda áýesqoılyq (sporttyq) balyq aýlaýǵa jol beriletini kórsetiledi.