Bul týraly Respýblıka Bas prokýratýrasynyń Halyqaralyq-quqyqtyq yntymaqtastyq basqarmasynyń bastyǵy Asylbek Akmatov aıtty.
Onyń sózinshe, Kýmtor ken ornyn ıgerýge baılanysty qylmystyq is aıasynda burynǵy memleket basshysyna bılikti nemese qyzmettik jaǵdaıdy teris paıdalanǵany úshin, 1992 jyly «Kameko» kompanıasymen bas kelisim jasasý epızodtary boıynsha nemquraıdylyq jáne 2003 jyly «Kýmtor» jobasyn qaıta qurylymdaý boıynsha aıyp taǵyldy, dep habarlaıdy Almaty-akshamy.kz Elorda.info saıtyna silteme jasap.
«Asqar Aqaevqa qatysty qylmystyq qýdalaý adamdy qylmystyq jaýapkershilikke tartýdyń merzimi eskirgendikten toqtatyldy», - dedi Asylbek Akmatov.
Eske salaıyq, Qyrǵyzstannyń burynǵy prezıdenti Asqar Aqaev Bishkekke birneshe ret ushyp kelgen. Elge sapary kezinde ol UQKK-ǵa jaýap berdi. Sodan keıin Aqaev tergeýmen mámile jasap, kinásin moıyndady. Artynsha bul «Kýmtor» isi boıynsha barlaý agenttikteri de jaýap aldy.