2022 jyldyń qorytyndysy boıynsha, qaladaǵy qylmys sany azaıǵan.
Qylmystyq quqyqbuzýshylyqtardyń jalpy ashylýy jaqsardy. Mas kúıinde jasalǵan zańsyz áreketter sany 17,3%-ǵa, qoǵamdyq oryndarda 4,1%-ǵa, sondaı-aq sheshilmegen jáne ótelmegen isti bolǵan adamdardyń jasaǵan zańsyz áreketteriniń sany azaıdy, dep habarlaıdy Almaty-akshamy.kz Polisia.kz-ke silteme jasap.
«Jalpy, departamenttiń jeke quramy shaharda tıisti qoǵamdyq tártipti qamtamasyz etip, qaladaǵy qylmysty azaıtý úshin barlyq qajetti sharalardy qabyldap jatyr. Nátıjesinde tonaýmen aınalysqan 17 toptyń, 65 qaraqshylyq shabýyldyń, 13 kóligin urlaǵandardyń, 33 páter urlyǵymen aınalysqandardyń, 20 avtokólikterdiń ishinen urlaǵandardyń, 159-y qoǵamdyq oryndarda jeke múlikti urlaǵandardyń qylmystyq joly kesildi», – dedi, Almaty qalalyq polısıa Departamentiniń bastyǵy, polısıa general-maıory A. Zapparov.
Zorlaý sany 3,4%-ǵa, páterlerdegi urlyq 6,5%-ǵa, qalta urlyǵy 2,6 ese, kóliktiń salonynan urlyq 2,3 ese, al ınternettegi alaıaqtyq 28,4%-ǵa azaıdy.