Jambyl oblysy Qordaı aýdanynda ornalasqan «Qordaı» Veterınarıalyq baqylaý pýnktinde Qyrǵyz Respýblıkasyna balyq ónimderin zańsyz ótkizý áreketi anyqtaldy, dep habarlaıdy aqshamnews.kz.
Pýnkttiń veterınarıalyq-sanıtarıalyq ınspektory júrgizgen tekserý barysynda eki avtomobıl tasymaldanatyn ónimge tıisti veterınarıalyq ilespe qujattarsyz 8 tonna balyq ónimin tasymaldaǵany anyqtaldy.
Avtokólik júrgizýshilerine aıyppul salynyp, júk qaıtaryldy.
Júrgizýshilerge veterınarıalyq baqylaýdaǵy janýarlardan alynatyn ónimderdi tasymaldaýǵa qatysty veterınarıalyq zańnamanyń talaptary, sondaı-aq memlekettik shekaradan ótý úshin barlyq qajetti qujattardy alýdyń mańyzdylyǵy túsindirildi.