Saılaýǵa 21 partıa qatysýda
Búgin Qyrǵyzstanda Joǵarǵy Keńes depýtattarynyń saılaýy ótip jatyr. Parlament saılaýyna 21 partıa qatysýda, dep habarlaıdy Almaty-akshamy.kz Azattyq-ruhy.kz-ke silteme jasap.
Resmı málimetterge súıensek, Joǵarǵy Keńestiń jańa quramy 90 depýtattan turady. Olar 5 jylǵa saılanady.
Joǵarǵy Keńestiń 54 depýtaty proporsıonaldyq júıemen, 36 depýtat bir mandattyq saılaý okrýginde majorıtarlyq júıemen saılanady.
Ortalyq saılaý komısıasynyń málimetinshe, qazir elde 2435 saılaý ýchaskesi ashylǵan. Al shet memleketterde 59 saılaý ýchaskesi jumys isteýde.
Sonymen birge, OSK daýys berý prosesin baqylaý úshin 736 halyqaralyq baqylaýshy tirkeýden ótken.