Kólikti satyp alǵan qazaqstandyq shyǵynǵa batty
Aqmola oblysynyń turǵyny Reseıde izdeýde júrgen kólikti satyp jibergen, dep habarlaıdy Almaty-akshamy.kz Aqmola oblystyq Polısıa departamentiniń baspasóz qyzmetine silteme jasap.
Vedomstvonyń málimetinshe, 26 qarashada Kókshetaý qalalyq polısıa basqarmasynyń kezekshi bólimine oblys ortalyǵynyń turǵynynan aryz tústi. Aryz bergen áıeldiń sózinshe, 2021 jyldyń shilde aıynda Kókshetaý qalasynyń 23 jastaǵy turǵyny oǵan Reseı Federasıasynda urlanǵany úshin izdeýde bolǵan «Nissan Sunny» avtokóligin satqan. Budan áıelge 1 mıllıon 50 myń teńge shyǵyn keltirilgen.
«Qazirgi kezde osyǵan baılanysty Qylmystyq kodekstiń 196-shy baby 3-shi bóligi «kórineý qylmystyq jolmen tabylǵan múlikti satyp alý nemese ótkizý» boıynsha sotqa deıingi tergeý bastaldy», - dedi vedomstvodan.