Qaýlynyń tıisti jobasy qoǵamdyq talqylaýǵa shyǵarylǵan, dep habarlaıdy aqshamnews.kz.
"Dinı ádebıetterdi, ózge de dinı baspa, aýdıo-, beınematerıaldardy qoǵamdyq oryndarda jáne turǵyn úı-jaılardy aralaý jolymen, memlekettik jáne mýnısıpaldyq uıymdarda, mektepke deıingi bilim berý jáne jalpy bilim berý uıymdarynda taratýǵa tyıym salý usynylady", - delingen qujatta.
Budan basqa, memlekettik din komıteti qarttar men múgedekter úılerinde, jazasyn óteý túzeý mekemelerinde, tergeý ızolátorlarynda, sondaı-aq Qarýly Kúshterdiń quramalarynda, bólimderi men bólimshelerinde din isteri jónindegi ýákiletti memlekettik organnyń kelisiminsiz dinı rásimderdi, jınalystardy jáne ózge de dinı is-sharalardy ótkizý úshin sheteldik dinı uıymdardyń din qaıratkerleri men ýaǵyzshylaryn shaqyrýǵa tyıym salýdy jaqtady.
Dinı uıymdardyń nemese olardyń ókilderiniń memlekettik organdardyń, jergilikti ózin-ózi basqarý oryndary men olardyń sheneýnikteriniń qyzmetine aralasýyna tyıym salý jáne aıyppul salý usynylady.
Budan basqa, dinı qyzmet sýbektileriniń saıası partıalardyń qyzmetin qarjylandyrýǵa tyıym salý jóninde usynys engizildi.
Sondaı-aq, Qyrǵyzstannyń din isteri jónindegi memlekettik komısıasy elde azamattyń jeke basyn sáıkestendirýge múmkindik bermeıtin, memlekettik organdar mekemelerinde jáne qoǵamdyq oryndarda adamnyń beti kórinbeıtin kıim kıýge tyıym salýdy usynady.