Aleksandr Kerjakov klýbtan ketý sebebin túsindirdi, dep habarlaıdy aqshamnews.kz Prosports.kz -ke cilteme jasap.
Belgili bolǵandaı, reseılik bapkerlik qyzmetten óz erkimen bas tartqan. Aleksandr Kerjakov bul sheshimine baılanysty pikirin de bildirdi. Reseılik jattyqtyrýshynyń aıtýynsha, klýbtan ketýine bir jaǵdaılar túrtki bolǵan kórinedi.
«Keshe tańerteń qyzmetimnen ketý týraly ótinish jazdym. Men úshin bul sheshim ońaı bolǵan joq, sebebi áli de osy jerde jumys isteı bergim keldi. Biz oıyn órnegi turǵysynan aıtarlyqtaı jetistikterge jettik, táýir nátıjeler kórsetken bolatynbyz.Bizben birge «Qaırat» biraz ýaqyttan beri qoly jetpeı júrgen týrnırlik kestedegi kóshbasshylyq orynǵa kóterildi. Klýb birinshilik sońyna deıin 6 týr qalǵanda chempıondyqqa basty úmitker qatarynan sanalady. Alaıda, bas bapker retinde jumys barysynda kóz jumyp qaraýǵa bolmaıdy dep esepteıtin jaǵdaılar bolady. Olardyń mán-jaıyn aıtpaımyn, klýbtyń óz ishinde qalsyn. Komanda men fýtbolshylarǵa jeńis pen sáttilik tileımin», - dedi A.Kerjakov.
Aıta keteıik, «Qaırat» dál qazir ishki birinshilikte 32 upaımen kósh bastap tur. Reseılik bapker almatylyq komandany mamyrdyń aıaǵynda tizgindegen edi. Osy aralyqta Kerjakovtyń klýby QPL aıasynda 9 mach ótkizip, 5 ret jeńiske jetti. Sondaı-aq, 2 kezdesýde qarsylastarymen upaı bólisip, taǵy eki básekede jeńilis tapty.