Mádenıettiń shekarasy keń
Qyrǵyzstanda Qazaqstannyń mádenıet kúnderi ótip jatyr, dep habarlaıdy Almaty-akshamy.kz. Qazaqtv.com saıtyna silteme jasap.
Opera arıalary, áýezdi de áýendi ánder, avtorlyq kıno jáne murajaı kórmeleri. Qyrǵyzstanda Qazaqstannyń mádenıet kúnderi ótýde.
El Táýelsizdiginiń 30 jyldyǵyna oraılastyrylǵan baǵdarlama shymyldyǵy otandyq kınoóndiristiń tyń týyndylarymen túrildi.
Tarıhı mura, ulttyq bolmys pen qundylyqtarymyzdan syr shertetin tanymdyq fılmder kórsetilimi Bishkektegi «Manas» kınoteatrynda ótti.
«Biz baýyrlas elmiz. Bir-birine qazaq pen qyrǵyzdan jaqyn halyq joq dep aıtýǵa bolady. Bizge bir-birimizdi túsiný úshin aýdarmashy qajet emes. Sebebi tilimiz uqsas, tarıhymyz, dinimiz, dástúrlerimiz de ortaq. Elimizdiń Táýelsizdiginiń 30 jyldyǵy aıasynda halqymyzdyń birligin nyǵaıtatyn, dostyqqa úndeıtin osy tektes sharalar kóbirek bolsyn dep tileımin», - dedi Qazaqstan Respýblıkasynyń Mádenıet jáne sport mınıstri Aqtoty Raıymqulova.
Qyrǵyzstandaǵy Qazaqstan mádenıeti kúnderiniń resmı ashylý saltanatyna oraı ulttyq fılarmonıada gala-konsert uıymdastyryldy.
Qyrǵyz jurty qazaqstandyq sahna sańlaqtarynyń shyǵarmashylyǵymen jaqyn tanys. Sondyqtan súıikti ánderin qosyla shyrqap, jyly lebizderin bildirdi. Qyrǵyzstan Prezıdenti Sadyr Japarov mádenı keshtiń qurmetti qonaǵy boldy.